• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Musiqili Teatr Masallıda

  • Magazin1
  • 8 May 2015 10:45
  • 1 021 Baxış
Musiqili Teatr Masallıda

Dövlət Musiqili Teatrının kollektivi mayın 9-da Masallıda keçiriləcək ümummilli Lider Heydər Əliyevin anadan olmasının 92-ci ildönümünə həsr olunmuş tədbirdə bayram konserti ilə çıxış edəcək.

Teatrın direktoru Əliqismət Lalayev Publika.az-a danışaraq bu tədbirə dəvət olunmaqlarından məmnun qaldığını söyləyib: “Bu günlərdə ölkənin hər yerində ümummilli lider Heydər Əliyevin anadan olduğu günə həsr edilmiş tədbirlər keçirilir. Belə möhtəşəm tədbirlərdən biri də Masallı rayonunda təşkil olunub. Masallı rayon rəhbərliyinin və Masallı rayon Mədəniyyət və Turizm Şöbəsinin dəvətilə bizim teatrın kollektivi də bu tədbirdə çıxış edəcək. İnanıram ki, əməkdar artist Səidə Şərifəliyeva, Gülnarə Əzizova, Əlif Cahangirov, Leyla Məmmədova öz çıxışları ilə bu bayram konsertinə xüsusi rəng qatacaqlar. Ümumiyyətlə, Musiqili Teatrla Masallı rayon Mədəniyyət və Turizm Şöbəsi arasında əməkdaşlıq əlaqələri mövcuddur. Biz bir neçə dəfə maraqlı tamaşalarla Masallı rayonunda çıxış etmişik. Bildiyiniz kimi, Mədəniyyət və Turizm Nazirliyi bu il “Bölgələrdən paytaxta” adlı layihə həyata keçirir. Bir neçə ay bundan öncə həmin layihə əsasında təşkil olunan ilk tədbir - Masallı rayon Mədəniyyət və Turizm Şöbəsinin tədbiri Musiqili Teatrda baş tutdu. İndi isə biz Masallıda olacağıq. Düşünürəm ki, bizim də səfərimiz uğurlu olacaq və bundan sonra da Masallı rayonu ilə əməkdaşlığımız yüksək səviyyədə davam edəcək”.

Cəvahir

Xəbər lenti

DAHA ÇOX XƏBƏR