Magazin1
Kann kinofestivalında Azərbaycan pavilyonu qurulub – FOTOLAR
Xəbər verdiyimiz kimi, Fransada dünyanın ən nüfuzlu kino tədbiri - 68-ci Kann beynəlxalq film festivalı başlayıb. Artıq beşinci ildir ki, Mədəniyyət və Turizm Nazirliyinin dəstəyi ilə Kann festivalında Azərbaycan pavilyonu təşkil edilir.
Publika.az xəbər verir ki, festivalda ölkəmizin nümayəndə heyəti iştirak edir. Heyətə Mədəniyyət və Turizm Nazirliyi Kino yaradıcılığı və filmlərin təbliği sektorunun müdiri Yusif Şeyxov, Cəfər Cabbarlı adına "Azərbaycanfilm" kinostudiyasının direktoru Müşfiq Hətəmov, kinoşünas, rejissor Ayaz Salayev, rejissor Asif Rüstəmov daxildir.
Milli pavilyonumuzda Azərbaycan kinosunun müasir inkişafını, nailiyyətlərini, ölkəmizin turizm imkanlarını əks etdirən, həmçinin "Bakı-2015" I Avropa Oyunlarını təbliğ edən çap, reklam məhsulları nümayiş olunur.
Bu il "Azərbaycanfilm" kinostudiyasının tarixində ilk dəfə olaraq Kann festivalının kino bazarına altı ekran əsəri təqdim edilib. Bunlar "Şəhər motivləri", "Qırmızı bağ", "Yarımçıq xatirələr", "İçəri Şəhər", "Axınla aşağı", "Qisas almadan ölmə. Keçmişdən məktublar" bədii filmləridir.
68-ci Kann festivalının müsabiqə proqramında isə 19 film yer alıb. Kino nümayişi fransalı rejissor Emmaniel Berkonun "Başını dik tutaraq" filmi ilə açılıb. Festivalın finalında isə tamaşaçılar Lyuk Jakın "Buz və səma" filmini izləyəcəklər.
Amerikalı rejissorlar Coel və İtan Koen qardaşlarının rəhbərlik etdiyi münsiflər heyətinə məşhur aktrisalar Sofi Marso, Sienna Miller, kanadalı rejissor Ksavye Dolan, amerikalı aktyor Ceyk Cillenxol və meksikalı rejissor Qilyerme del Toro daxildir.
Festival mayın 24-də yekunlaşacaq və təntənəli mərasimdə "Qızıl palma budağı"nın sahibi və digər mükafatçılar elan olunacaq.
Banu
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü