• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

“Sehrli alma” baletinin premyerası keçiriləcək

  • Magazin1
  • 22 May 2015 14:45
  • 355 Baxış
“Sehrli alma” baletinin premyerası keçiriləcək

Mayın 31-də Azərbaycan Dövlət Akademik Opera və Balet Teatrında xalq artisti, görkəmli bəstəkar Oqtay Zülfüqarovun “Sehrli alma” baletinin premyerası keçiriləcək. Həmin gün bəstəkar Oqtay Zülfüqarovun doğum günüdür.

Teatrın mətbuat xidmətindən Publika.az-a verilən məlumata görə, Azərbaycan xalq nağılı “Məlikməmməd”in motivləri əsasında tamaşaya qoyulan bu balet uşaqlar üçün nəzərdə tutulub və tamaşanın premyerası 1 iyun - Uşaqların Beynəlxalq Müdafiəsi Gününə həsr olunub.

Yeni tamaşanın dirijoru beynəlxalq müsabiqələr laureatı Əyyub Quliyev, quruluşçu baletmeysteri Pellumb Aqalliyay, quruluşçu rəssamı isə əməkdar mədəniyyət işçisi Yusif Babayevdir.

Tamaşada əsas rollarda balet truppasının gənc solistləri Timur Oduşev, Faiq Qubatov, Mehman Mərdanov, Cəmilə Kərimova, Anar Mikayılov və başqaları çıxış edəcəklər.

Publika.az

Xəbər lenti

DAHA ÇOX XƏBƏR