Afaq Aslan lezbiyan dediyi müğənninin məhkəməsindən qaçır

Müğənni Aytac Vidadiqızı Publika.az saytına müraciət edib. O, Afaq Aslanova ilə aralarında olan məhkəmə gedişi ilə bağlı məlumat verərək A.Aslanovanın məhkəmədən yayındığını bildirib:

“Aslanova Afaq Məicd qızı “Tabloid.az” və “Lent.az” internet saytlarında mənim barəmdə həqiqətə uyğun olmayan, böhtan xarakterli məlumatları əks etdirən müsahibəsində məni təhqir edərək şərəf və ləyaqətimə xələl gətirən ifadələr işlədib. Bundan sonra o, nəinki barəmdə işlətdiyi ifadələrə görə məndən üzr istədi, əksinə, barəmdə dediklərinə görə məni məhkəməyə müraciət etməyə səslədi. Mən də hüquqlarımı müdafiə etmək üçün 16 mart 2015-ci ildə Yasamal rayon Məhkəməsinə müraciət etdim. İddiam hakim Şeyda Məhərrəmovanın icraatına verildi. Aprelin 13-də başlanan məhkəmə prosesinə heç bir səbəb gətirmədən qatılmır”.

Məktub müəllifi qeyd edib ki, A. Aslanı onun barəsində həqiqətə uyğun olmayan məlumatları yaymasına nə vadar etdiyi onun üçün çox maraqlıdır. Odur ki, onu məhkəmədə gözləyir.

Xatırladaq ki, Afaq Aslan Aytacın cinsi azlıqların nümayəndəsi olduğunu iddia etmişdi.

İsa Şükürov