• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

Türkiyəli aktrisa zəhərləndi, Bakıya gəlmədi - FOTOLAR

  • Magazin1
  • 30 May 2015 10:30
  • 810 Baxış
Türkiyəli aktrisa zəhərləndi, Bakıya gəlmədi - FOTOLAR

“Möhtəşəm yüz il” teleserialında Sümbül Ağa obrazı ilə məşhurlaşan türkiyəli aktyor Səlim Bayraktar Bakının qonağı olub. Aktyorun paytaxtımıza səfər etməsinin məqsədi “Kırmızı” adlı filmin “28 cinema”da qala gecəsinin baş tutması ilə bağlı olub.

Filmin təqdimatını keçirməzdən öncə ekran işini ərsəyə gətirən rejissor Yüzel Müştekir və ssenaristlər Hasan Fırıncı və Adnan Bahadır jurnalistlərin qarşısına çıxaraq medianı maraqlandıran sualları cavablandırıblar.

Publika.az-ın konfransda iştirak edən əməkdaşı xəbər verir ki, filmin baş qəhrəmanını canlandıran Selim Bayraktar filmi izlədikdən sonra unutduğumuz özümüzə dönəcəyimizi bildirib:

“Uşaqlıqda unutduğumuz, qaytarmaq istədiyimiz özümüzə dönəcəyik. Uşaqlığımızın ilk 7 yaşını görəcəyik .Filmdə eşq, dostluq, qorxu var. Filmin “Qırmızı” adlanması rəng ilə əlaqələnmir. Bunu tamaşaçı filmi izləyəndə anlayacaq. Qırmızı rəngdə hər kəs müxtəlif məna görə bilir. Kisi eşq, kimi dava, digəri isə gücü görə bilər”.

Filmin baş rol ifaçılarından olan Cemal Hünal və Leyla Göksün də qala gecəsində iştirak edəcəkləri deyilsə də, onları təqdimatı zamanı görən olmadı.

“Cemal hazır teatrda oynayır. Vaxt baxımından çatdırmadı və bu gün burada ola bilmədi. Leyla isə zəhərləndi. Təcili xəstəxanaya aparılmalı olub. Hazırda Acıbadəm xəstəxanasında müalicə olunur”.

Qeyd edək ki, filmin çəkilişləri 6 həftədə yekunlaşıb. Yaradıcı heyət Türkiyədən sonra ilk olaraq təqdimatı Azərbaycanda keçiriblər.

İsa Şükürov

Xəbər lenti

DAHA ÇOX XƏBƏR