• USD 1,7369 0,00% EUR 1,8716 +0,49%
    • GBP 2,1974 -0,10% RUB 0,0274 +0,73%

“Ər və arvad” 45-ci dəfə ingilis dilində nümayiş olunacaq - FOTOLAR

  • Magazin1
  • 11 İyun 2015 16:20
  • 482 Baxış
“Ər və arvad” 45-ci dəfə ingilis dilində nümayiş olunacaq - FOTOLAR

İyunun 13-də Azərbaycan Dövlət Musiqili Teatrında dahi Üzeyir Hacıbəylinin “Ər və arvad” musiqili komediyası 45-ci dəfə nümayiş olunacaq. Teatrın mətbuat xidmətinin rəhbəri Samir Sədaqətoğlu Publika.az-a açıqlmasında bildirib ki, tamaşanın bu dəfəki nümayişinin özəlliklərindən biri də ingilis dilində tərcümə sətirlər – qaçan titrlər vasitəsilə tamaşaçılara təqdim olunmasıdır. I Avropa Oyunları ilə əlaqədar ölkəmizə təşrif buyuracaq qonaqlara daha yüksək keyfiyyətli mədəni xidmət göstərilməsi üçün Mədəniyyət və Turizm Nazirliyinin xüsusi dəstəyi ilə teatrın repertuarındakı bir sıra əsərlər ingilis dilinə tərcümə olunub. “Ər və arvad”da həmin tamaşalardan biridir. Ümumiyyətlə, Musiqili Teatrın iyun repertuarı xüsusi şəkildə təşkil olunub və I Avropa Oyunları ilə əlaqədar tamaşalar əsasən ingilis və rus dillərində təqdim olunacaq.

Qeyd dək ki, tamaşanın quruluşçu-rejissoru Yusif Əkbərov, quruluşçu-drijoru Əməkdar incəsənət xadimi Nazim Hacıəlibəyov, quruluşçu-rəssamı Əməkdar rəssam Eldar Qurbanov, quruluşçu-baletmeysterləri Yelena və Zakir Ağayevlərdir. Əsərin yeni redaktəsi və orkestrləşdirilməsi Əməkdar incəsənət xadimi Sərdar Fərəcova məxsusdur. Tamaşada rolları Xalq artisti, “Şöhrət” ordenli İlham Namiq Kamal, Əməkdar artistlər Nahidə Orucova, Ələkbər Əliyev, Əkbər Əlizadə, Emma Məlikova, aktyorlar Əliməmməd Novruzov, Ruslan Mürsəlov, Gülcahan Salamova, Ağaxan Şərifov və Fərid Rzayev ifa edəcəklər.

Publika.az

Xəbər lenti

DAHA ÇOX XƏBƏR