• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Baloğlan ölüm xəbərindən danışdı

  • Magazin1
  • 21 İyun 2015 18:31
  • 802 Baxış
Baloğlan ölüm xəbərindən danışdı

Adı nəinki oxuculara, jurnalistlərə belə tanış olmayan saytlar əməkdar artist Baloğlan Əşrəfovun ölüm xəbərini yayıblar.

Əməkdar artist ANS-ə açıqlamasında, dünyasını dəyişməsi barədə xəbəri həmkarı Yusif Mustafayevdən eşitdiyini bildirdi: "Maşallah sağ-salamat evimdə oturmuşam, ölüm xəbərimi yayırlar. Mənə də Yusif Mustafayev dedi, xəbərim yox idi. Yusif zəng vurub hal-əhval tutduqdan sonra dedi ki, məndən sənin ölüm xəbərini soruşurdular.

Belə olmaz axı! Başı batsın o xəbəri yazanın. Lənətə gəlsin onu. Bu insan kimdirsə düşmənçiliklə yayır bu xəbəri. Təxribatdı mənə qarşı. Başqa nə ola bilər ki? Mənim əzizlərim, doğmalarım eşidib narahat olurlar".

Əməkdar artisti "öldürənlər" məhkəmə qarşısında cavab verməli olacaqlar. Baloğlan Əşrəfov barəsində ölüm xəbərlərini yayanları məhkəməyə verməyi düşünür: "Hər kimdirsə, onu tapıb məhkəməyə verəcəm. Birinci hansı sayt, hansı jurnalist yazıb onu qanun yolu ilə cəzalandıraacam. Belə etməsəm, sabah bir başqası da istədiyini yazar".

Baloğlan Əşrəfovun bu zəngindən sonra internetdə axtarış verdikdə, xəbəri ilk yayımlayan saytın əslində fəaliyyət göstərmədiyini gördük. Xəbəri həmin sayta istinadla verən digər saytı isə ilk dəfə idi açıqdıq. Çox güman ki, məqsədləri məşhurların ölüm xəbərlərini yaymaqla özlərini tanıtmaqdır.

Xəbər lenti

DAHA ÇOX XƏBƏR