Magazin1

Almaz Ələsgərli: “Həndbolu atmağıma peşman deyiləm”

22 İyun 2015 18:45

Əməkdar artist Almaz Ələsgərli ailəlikcə məşğul olduqları idman növündən danışıb. “Günaydın” verilişində qonaq olan ifaçı bildirib ki, özü, qardaşı və iki qızı həndbolçu olublar.

“Mən 10 il həndbol ilə məşğul olmuşam. Solaxay idim. O qədər gözəl oynayırdım ki, məni yığma komandaya dəvət etdilər. Lakin incəsənəti seçdim. Bəlkə də hər iki sənəti davam etdirə bilərdim. Musiqi çox qəlizdir. İstərdim ki, musiqiçilər də idmançılar kimi sənətin bəhrəsini görsün. Əslində görürük. Amma çox gec olur. Həndbolu atmağıma peşman deyiləm. Peşəkar oynamasam da, qurdumu öldürürəm. Hətta qızlarım da həndbola gediblər. Rəhmətlik qardaşım da milli həndbol yığmamızın üzvü olub. Məni də həndbola elə o gətirmişdi. Çox istərdim ki, futbol üzrə də Azərbaycan qələbə qazansın”.

Qeyd edək ki, “Günaydın” verilişi həftə içi 5 gün saat 14:20-də teleaparıcı Vüsalə Kərimovanın təqdimatında “Space” telekanalında yayımlanır.

İsa Şükürov