Magazin1

30 yaşını qeyd edən Əbdül Xalidin ad günündən - FOTOLAR

3 İyul 2015 12:15

Müğənni Əbdül Xalid 30 yaşını qeyd edib. Bunun üçün paytaxtın elit məkanlarından birini seçən müğənni təmtəraqlı tədbir də düzənləyib.

Publika.az xəbər verir ki, onu təbrik etməyə gələnlər arasında ifaçının həmkarları ilə yanaşı, dostları da olub.

Məclisə aparıcılar start verib. İlk sözü məşhur teleaparıcı Samir Bayramlı deyib. Aparıcı yubilyarı təbrik edəndən sonra mikrofonu digər aparıcılara təhvil verib. Sonra iştirakçı olan dostları Əbdül Xalidin barəsində xoş sözlər söyləyib.

Müğənni onu təbrik edənlərə təşəkkürünü belə bildirib:

“Bu gün 30 yaşım tamam olur. Məclisə ən yaxın hesab etdiyim şou nümayəndələri, jurnalist və dostlarımı dəvət etmişəm. Odur ki, burada mənə yad olan insan yoxdur. Gəldiyinizə görə sizə təşəkkür edirəm”.

Məclisdə iştirak edən müğənnilər ifaları ilə tədbiri şənləndiriblər.

Qeyd edək ki, səbəbkar Ramazan ayı olduğunu nəzərə alaraq məclisi iftar vaxtına salıb.

İsa Şükürov

Fotoqraf Rəşad Abbasov