Vidadi Babanlı: “Ölkəmiz bütün dünyada analoqu olmayan bir ilkə imza atdı”
Bizi izləyin

Magazin1

Vidadi Babanlı: “Ölkəmiz bütün dünyada analoqu olmayan bir ilkə imza atdı”

Tanınmış yazıçı Vidadi Babanlı ölkəmizdə keçirilən “Bakı-2015” Birinci Avropa Oyunlarının bütün dünyaya səs salmasından danışıb.

Publika.az-a açıqlama verən yazıçı möhtəşəm tədbirin unudulmaz təəssüratlarından hələ ayrıla bilmədiyini deyib:

“Ölkəmiz bütün dünyada analoqu olmayan bir ilkə imza atdı. Möhtəşəm tədbirin səsi-sədası bütün Avropaya yayıldı. Dünya dövlətlərinin bayraqları ölkəmizdə dalğalandı, bütün Avropa Azərbaycandan danışdı. Mötəbər tədbirin təşkilatçılığını xüsusi qeyd etmək istəyirəm. Açılış günündən tutmuş, bağlanış mərasiminə qədər hər şey yüksək səviyyədə təşkil olunmuşdu. Mən inanıram ki, əcnəbi qonaqlar, idmançılar, jurnalistlər ölkəmizlə bağlı xoş təəssüratlardan hələ uzun müddət ayrıla bilməcəyəklər. Xalqımıza bu bayram təntənəsini yaşatdığına görə ölkə rəhbərinə və onun xanımına minnətdarlığımı ifadə edirəm”.

Vidadi Babanlı bu möhtəşəm tədbirin xalqımızda ruh yüksəkliyi yaratdığını, onların birlik nümayiş etdirdiyini də dilə gətirib: “Xalqımız birlik nümayiş etdirdi. Hər kəs Prezidentimizin ətrafında sıx birləşdi və bu gözəl tədbiri dünyaya gözəl şəkildə nümayiş etdirdi”.

Cəvahir Səlimqızı

Oxumağa davam et
Reklam
Reklam

Gündəm