Magazin2

Məşhur serialın qəhrəmanları indi TANINMAZ HALDA - FOTO

23 Mart 2018 15:20

Məşhur Argentina serialı “Vəhşi mələk”in qəhrəmanı Nataliya Oreyronun makiyajsız fotoları yayılıb.

Publika.az xəbər verir ki, 40 yaşlı aktrisanın üzündəki qırışları və çilləri diqqət çəkib. Artistin xarici görünüşü həmişə pərəstişkarlarında böyük heyranlıq doğurub. Lakin aktrisa nadir ulduzlardandır ki, indiyədək estetik əməliyyatlara üz tutmayıb. O, plastik cərrah bıçağı köməyi ilə cavan görünməyə çalışmır.

Kino ulduzunun makiyajsız şəklindən aydın olur ki, üz dərisi artıq əvvəlki kimi elastik deyil, gözlərinin ətrafında qırışlar yaranıb. Lakin baxışları eyni ilə 20 il əvvəlki kimidir. Aktrisa etiraf edir ki, əvvəlki enerjisi daha yoxdur. Bununla belə o, həm də fəxr edir ki, daha təcrübəli və ağıllı olub.

Aktrisanın serialdakı tərəf müqabili Fakundo Arana da yaxşı vəziyyətdə görümür. 46 yaşlı aktyor xarici görünüşünün qeydinə qalmır. 2012-ci ildə model Mariya Susina ilə evlənən Fakondo 3 uşaq atasıdır. Onun modellə nikahından 2 oğlu və bir qızı var.

20 il əvvəl dünyanın 60-dan çox ölkəsində yayımlanan serialın baş qəhrəmanlarının gənclik və indiki hallarını təqdim edirik.