Magazin2

Keyt Middletonun ideal fiqurasının sirri açıldı – FOTOLAR

20 İyun 2015 01:52

May ayının əvvəlində qızı şahzadə Şarlottanı dünyaya gətirən və qısa zamanda ideal çəkisinə qovuşan 33 yaşlı Keyt Middletonun sirri açılıb.

Bəziləri onun zolaqlı kofta sayəsində olduğundan daha arıq və zərif göründüyünü iddia etsələr də, Publika.az xəbər verir ki, “People” jurnalı hersoginyanın daha bahalı bir üsula müraciət etdiyini ortaya çıxarıb.

Jurnalın xəbərinə görə, Keyt Middleton hamilə olduğu dövrdə həddən artıq kökəlməmək üçün zəngin londonluların müraciət etdiyi sağlam qidalanma mütəxəssisi ilə əməkdaşlıq edib.

Deyilənə görə, bu mütəxəssisin sərt qaydaları var və böyük məbləğdə qonorar tələb edir.

Mütəxəssis Keyt Middletona hər gün zəng edərək hansı saatda nə yeməli olduğunu, nə qədər idman etməli olduğunu bildirib. Həftədə bir dəfə hersoginya ilə görüşüb öz məsləhətlərini verib. Keyt Middleton bu dövrdə heç bir kimyəvi maddəyə məruz qalmayan təbii tərəvəz və meyvələrlə, həmçinin, yağsız ətlə qidalanıb.

Ləman Sultan