Bilgi.az

Ağcaqanadlar ən şirinqanlı qızı seçəcək

13 İyul 2015 22:30

Rusiyanın Perm bölgəsinin Berezniki şəhərində ayın 17-dən 19-a kimi rus ağcaqanadları festivalı keçiriləcək. Festivalda ağcaqanadlar ən şirin qanlı qızı seçməlidir.

Publika.az xarici mətbuata istinadən xəbər verir ki, müsabiqənin qalibi simvolik mükafat alacaq. Tədbirin təşkilatçısı Natalya Paramonovanın sözlərinə görə, müsabiqədə həşəratların sevimlisi olduğunu iddia edən qadınlar iştirak edəcək.

Paramonova deyib: "Müsabiqədə iştirak etmək istəyən namizədlər soyunaraq şort və yüngül maykada qalmalıdır. Onlar bu vəziyyətdə düz 20 dəqiqə qalacaq. Sonda isə həkimin də daxil olduğu jürilər namizədlərin bədənini müayinə etməyə başlayacaq. Kimin üzərində daha çox ağcaqanad sancması olarsa, o, qalib hesab olunacaq".

Keçən il müsabiqə pis hava şəraitinə görə keçiriləməyib. 2013-cü ildə isə qalibin üzərində nə az, nə çox 100 ağcaqanad sancması olub.

Nura