Bu kənddə uşaqların hər gözü bir rəngdədir - FOTO

Türkiyənin Qəhrəmanmaraş vilayətinin Göksun kəndində yaşayan, bir gözü mavi, diğəri isə qəhvəyi rəngli olan uşaqlar və yeniyetmələr hər kəsin diqqətini cəlb edir.

Publika.az bu xəbər verir ki, eyni məhəllədə yaşayan və bir gözü mavi, diğəri qəhvəyi rəngdə olan 2 ailənin 5 uşağı artıq neçə gündür medianın gündəmini zəbt edib.

Hacıkodal məhəlləsində yaşayan Xədicə-Mehmet Akyıl ailəsinin uşaqları - 7 yaşlı Yasin ilə 3 yaşlı Elif Akyıl dünyaya mavi və qəhvəyi gözlərlə baxmaları bir çoxlarını təəccübləndirir.

Eyni məhəllədə yaşayan Xədicə-Həsən Atlının uşaqları - 19 yaşlı Cəmilə, 15 yaşlı Nurcan və 22 yaşlı Xədicə Atlının da gözləri fərqli rənglərdədir. Uşaqların anası 2 övladının gözlərinin anadangəlmə ayrı rəndlərdə olduğunu bildirib.

Gözlərinin birinin mavi, digərinin isə qəhvəyi rəngdə olmasının uşaqlara heç bir problem yaşatmadığını dilə gətirən Akyıl "Çox şükür övladlarımın sağlamlığı yerindədi. 5 uşağımdan 3-ü normaldır. Onların gözlərinin rənginin anadangəlmə fərqli oçmasına görə heç bir tibb müəssisəsinə getmədik. Əksinə, övladlarımın gözlərinə baxanda fərəh hissi keçirirəm" - deyib.

Uşaqlar gözlərinin rənglərinin fərqli olmasının nadir hal olduğunu, bununla bağlı hər hansı sıxıntı yaşamadıqlarını dilə gətiriblər: "Biz hər kəs kimi normal görə bilirik. Məktəbdə isə sinif yoldaşlarımız sən rəngləri fərqli görürsən? – deyə soruşurlar. Fərqli gözlərə sahib olduğumuz üçün kənardakıların diqqətini cəlb edirik".

Anar Tağıyev