Bilgi.az

Həyatı 35 il sonra dəyişdi - FOTOLAR

29 Avqust 2015 05:05

Braziliyada 35 il bomj kimi yaşamış Raimundo Arruda Sobrinonun həyatı illər sonra inanılmaz dərəcədə dəyişib.

Publika.az xarici mətbuata istinadən xəbər verir ki, buna səbəb onun sirlərini Şalla Monteyro adlı qadına verməsidir.

Qadına keçmişini danışan səfil həyatındakı faciələrin hamısını ona nəql edir. Şalla isə "facebook"da bütün bunların yer aldığı səhifə açır.

Səhifəni izləyənlərin sayı gündən-günə artır və bir gün qadına bir nəfərdən mesaj gəlir. Məktub yazan şəxs özünü Raimundonun qardaşı kimi təqdim edərək, qardaşını illərdir axtardığını və "facebook"dakı səhifə vasitəsilə doğmasına qovuşduğunu bildirir.

Beləcə ömrünün 35 ilini sərgərdan keçirmiş Raimundo Arrudanın həyatı inanılmaz dərəcədə dəyişir.

İndi doğmalarının yanında yaşayan keçmiş səfil yeni həyatını yaşayır. Üstəlik, öz sirlərinə dair yeni kitabını yazır.

Anar Tağıyev