• USD 1,7339 0,00% EUR 1,8297 -1,20%
    • GBP 2,2001 +0,65% RUB 0,0270 -0,74%

“Evli cütlüklər ayrı yataqlarda yatmalıdırlar”

  • Maraqlı
  • 3 Sentyabr 2015 15:45
  • 1 310 Baxış
“Evli cütlüklər ayrı yataqlarda yatmalıdırlar”

Alimlərin apardıqları araşdırmaların nəticələri bizi təəccübləndirməyə davam edir.

Publika.az xəbər verir ki, Pittsburq Universitetinin psixoloqu Uendi Trokselin rəhbərlik etdiyi araşdırma ayrı yataqlarda yatan evli cütlüklərin daha xoşbəxt olduğunu ortaya çıxarıb.

Araşdırmanın nəticələri göstərir ki, bəzi cütlüklər birlikdə yatdıqda keyfiyyətli yuxudan məhrum olurlar. Tərəflərdən birinin yuxuda ikən əl-qol hərəkətləri etməsi, xoruldaması və ya sayıqlaması digərinin yuxu keyfiyyətinə pis təsir edir.

U.Troksel bildirir ki, mütəmadi olaraq narahat yatmağa və keyfiyyətsiz yuxuya məcbur qalan insanlar gün ərzində daha stresli, əsəbi və dözümsüz olurlar. Bu da cütlüklərin münasibətlərinə öz mənfi təsirini göstərir.

Bu mövzuda aparılan sorğular da araşdırmanın nəticələri ilə üst-üstə düşüb. Sorğuda iştirak edən 100 evli cütlükdən ayrı yataqlarda yatanlar daha xoşbəxt olduqlarını ifadə ediblər.

"Evli cütlüklər ayrı yataqlarda yatmalıdırlar. Belə cütlüklərin münasibətləri daha uzunömürlü olur",- deyə qeyd edən U. Troksvel bu mövzuda araşdırmalarına davam edəcəyini açıqlayıb.

Ləman Sultan

Xəbər lenti

DAHA ÇOX XƏBƏR