• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Bazar ertəsi sindromu ilə mübarizənin 6 üsulu

  • Maraqlı
  • 19 Oktyabr 2015 17:17
  • 410 Baxış
Bazar ertəsi sindromu ilə mübarizənin 6 üsulu

Araşdırmalar göstərib ki, insanların təxminən 40-50 faizi tez-tez bazar ertəsi sindromu ilə üzləşirlər.

Şənbə və bazar günləri istirahət etdikdən sonra həftənin birinci günü iş rejiminə öyrəşməkdə çətinlik çəkir, özünüzü həvəssiz, yorğun, halsız hiss edirsinizsə, deməli, siz də bazar ertəsi sindromuna yaxalanmısınız.

Bəs bu vəziyyətdən xilas olmaq üçün nə etmək olar?

Publika.az sizi qısa müddətdə bu sindromdan xilas edəcək 6 məsləhəti təqdim edir:

1. Qidalanma: Çoxlu fındıq, yulaf, həmçinin doymamış yağ və turşular ehtiva edən qidalar yeyin. Məsələn, yağlı balıqla salat, susam yağında saxlanılmış avokado yeyə bilərsiniz.

2. İdman: Yarım saat yerimək əhvalınızın yaxşılaşmasına səbəb olacaq. Çünki günəş şüaları beyinə daha çox seratonin hormonunun getməsini təmin edir. Bu hormon isə insanın birbaşa əhval-ruhiyyəsi ilə əlaqəlidir.

3. Əyləncə: Sizi güldürə biləcək kitablar, jurnallar oxuyun. Komediya janrında olan film izləmək də effektli olacaq.

4. Rəng seçimi: sarı rəngdə geyinin və ya ofisinizdəki masanızı sarı çiçəklərlə bəzəyin. Bu rəng insanı depressiyaya düşməyə qoymur.

5. Dərman: B qrup vitaminləri qəbul edin. Bu, əsəblərinizi sakitləşdirib özünüzü daha dinc hiss etməyinizə səbəb olacaq.

6. Düşüncə tərzi: Kağız-qələm götürüb yaşamaq istəyinizi, hədəflərinizi yazın. Pozitiv duyğulara köklənin.

Ləman Sultan

Xəbər lenti

DAHA ÇOX XƏBƏR