Qubadakı təyyarə-restoranın sorağı Londona gedib çıxdı
Bizi izləyin

Bilgi.az

Qubadakı təyyarə-restoranın sorağı Londona gedib çıxdı

Britaniyanın “Daily Mail” qəzeti Azərbaycandakı qeyri-adi restoran barədə reportaj yayıb.

Söhbət Qubanın dağ kəndlərinin birində 43 yaşlı yerli biznesmenin istismardan çıxarılmış “Tu-134B” sərnişin təyyarəsini restorana çevirməsindən gedir.

“Siz bu restoranda yemək yeyərdinizmi? Azərbaycan ümid edir ki, bu qeyri-adi restoran onun turizm baxımından ən görməli yerlərindən birinə çevriləcək” - deyə qəzet yazır.

Virtualaz.org saytının Britaniya nəşrinə istinadən verdiyi xəbərə görə, yazıda bildirilir ki, kənardan baxanda təyyarənin sanki qəza enişi etdiyini düşünmək olar. Lakin əslində təyyarə Azərbaycanın ən çox müştəri cəlb edən restoranlarından biridir.

Təyyarə turistlərə Qubanın gözəl dağ mənzərələrinə tamaşa etməklə yemək yeməyə imkan yaradır. Təyyarənin salonu yaxşı təmir olunub.

Biznesmen Natiq Bəymirzəyev deyir ki, o, həmişə qeyri-adi restoran açmaq istəyib: “Mən bir müddət ətrafda düzənlik ərazi axtardım və axırda Rusiya istehsalı olan bu istismardan çıxarılmış “Tu-134” təyyarəsini almağa qərar verdim. Məncə, bu, əla ideyadır. Təyyarəni restorana çevirmək yeni ideya deyil, ancaq təyyarəni bu cür dağlıq ərazidə qoymaq təcrübəsi əvvəllər olmayıb”.

N.Bəymirzəyev ümid edir ki, onun qeyri-adi restoranını görmək üçün hətta xaricdən də turistlər gələcək.

Oxumağa davam et
Reklam
Reklam

Gündəm