Bilgi.az

Ərdoğana yumurta atmaq neçəyədir?

6 İyun 2014 13:13

Baş nazirin avtomobil karvanına yumurta atdığı üçün mühakimə edilən Seçil Əsmanur Ərdəm 7 min 80 lirə (2645 manat – red.) cərimə cəzası alıb.

Publika.az Türkiyə mətbuatına istinadən xəbər verir ki, ötən il noyabrın 23-də Trabzona səfəri zamanı Baş nazir R.T.Ərdoğan hava limanından qalacağı hotelə tərəf hərəkət edərkən onu müşayiət edən maşınlardan birinə yumurta dəyib.

Hadisədən sonra orta məktəb müəllimi Seçil Əsmanur Ərdəm saxlanılıb. O, yaxınlıqdakı binanın üçüncü mərtəbəsindən kortejə yumurta atmaqda ittiham olunur.

Yüksək çinli dövlət məmurunu təhqir etdiyi üçün Trabzon məhkəməsi əvvəlcə ona iki il iş verib, sonradan cəza cəriməylə əvəz edilib.

Vüsal Tağı