Bilgi.az
Meksika narkokartelinin cəlladları – Los Zetas
Los Zetas – dünyanın ən təhlükəli narkokartellərindən biridir.
Qəddar və amansızlıqları ilə dünyaca məşhurdurlar. Onların
əməllərini sözlə belə, ifadə etmək mümkün deyil. Bazaları Meksikada
yerləşsə də, nüfuz dairələri ölkə sərhədlərini çoxdan aşıb.
Fərarilər ordusu
Los Zetas Meksikadakı narkokartellərdən ən tanınmışıdır. Qruplaşma
üzvləri arasında Meksikanın xüsusi təyinatlı elit qoşun
növlərindən, GAFE-dən fərarilik etmiş əsgərlərlər çoxluq təşkil
edir. Həmçinin banda üzvləri arasında Qvatemala ordusunun təqaüdə
çıxmış zabitlərinə də çox rast gəlinir.
Qruplaşmanın hökümətdə korrupsiyaya bulaşmış məmurlar, yüksək çinli
polis zabitləri ilə əlaqələri güclüdür.
Bu muzdlular dəstəsi əvvəllər Meksikanın ən iri narkokarteli olan
Qolfo kartelinə tabe idi. Lakin kartelin başçısı Osel Kardenas
Gilyen həbs olunduqdan sonra Meksikadakı narkotik biznesi əsasən
Zetas qruplaşmasının nəzarətinə keçdi. Narkoticarətlə yanaşı,
qruplaşma adam oğurluğu ilə də məşğul olur. Əsasən, ABŞ-dan olan
turistləri girov götürür və mükafat qarşılığında azad edirlər.
Tərkibi və rütbələri
Bu qruplaşma digərlərinə bənzəmir. Burada ciddi nizam-intizam var.
Qruplaşmanın adı liderlərdən birinin adı ilə bağlıdır.
Los Zetasın ən təhlükəli döyüşçülərindən biri Arturo Qusman Desena
5 il dəniz piyadası olmuşdu. O, yüksək pul müqabilində qruplaşmaya
muzdlu kimi dəvət edilərkən özü ilə 30 nəfər fərarilik etmiş xüsusi
təyinatlı əsgər gətirmişdi.
Arturonun dəstəsi tezliklə bütün rəqib klanları bir-bir əzdi. Heç
kimə aman vermədi. Ancaq 2002-ci ildə atışmaların birində Desena
həlak oldu.
Qeyd edək ki, orduda xidmət edərkən Arturonun kod adı “Z” (Zet
hərfi) idi. Bu kod adı ancaq yüksək rütbəli zabitlərə verilir.
Arturonun ölümündən sonra qruplaşma Zetas adlandırılmağa
başladı.
Los Zetasda digər bandalardan fərqli olaraq rütbələr var. Lap
hərbidəki kimi. Ən aşağı, yəni birinci rütbəyə aid olanlara
“şahinlər” deyilir. Onlar qruplaşmanın nəzarət etdikləri şəhərlərdə
silahsız patrul kimi gəzir, ərtaf bölgəyə nəzarət edirlər.
İkinci rütbə - “kobralar”dır , onlar hərbçi deyillər. Ancaq
üstlərində odlu silah olur. Müəyyən obyektləri qoruyurlar.
Üçüncü rütbə -“Yeni Los Zetas” - tərkibi yaxşı hərbi hazırlıq
keçmiş Qvatemala ordusunun sabiq zabitlərindən ibarətdir. Bu
dəstəyə daxil olanlar gülləkeçirməyən jilet, gecəgörmə cihazları,
qumbaralar və avtomat silahla təhciz olunurlar.
Dördüncü rütbə - “köhnə kobralar”dır, onlar ikinci rütbəyə birbaşa
komandanlıq edirlər. Hərbi təcrübələri yoxdur.
Beçincü rütbə - “köhnə Zetas”dır, onlar 90-cı illərdə bandanı
yaradan əsas üzvlər, liderlərdir. Əsasən keçmiş xüsusi təyinatlı
elit əsgərlərdən ibarət olur. Sayları təxminən 40 nəfərdir.
Bundan başqa qruplaşmada informatorlar , mühasiblər də var.
Mühasiblər həm qruplaşma üzvlərinə maaş verməklə , həm də
korrupsioner polislərə rüşvət paylamaqla məşğuldurlar.
Cinayətləri
Los Zetasa nahaq yerə ən amansız qruplaşma demirlər. Məsələn,
2011-ci ildə Tamaulipas şəhər polisi səhrada 193 nəfərin
basdırıldığı kütləvi məzarlıq tapdı. Araşdırmalardan sonra aydın
oldu ki, ölənlərin hamısı qeyri-leqal yolla Meksika ərazisinə
keçmək istəyən miqrantlar olub. Amma onların hamısı işgəncə ilə
öldürülüb. Məsələ ondadır ki, Meksika-ABŞ sərhədinin çox hissəsinə
Los Zetas nəzarət edir. Meksiya keçmək üçün hər bir adam bu
bandadan “icazə” almalıdır. Görünür, öldürülənlərin belə
“icazələri” olmayıb.
2012-ci ildə hökumət qruplaşmaya qarşı təzyiqi artırdıqda Los Zetas
cavab olaraq amansız qətllər törətdi. Məqsəd höküməti qorxutmaq
idi. 2012-ci ildə banda Monterrey şəhərində kazinolardan birinə
daxil oldu. Kazinoda istirahət edən varlı iş adamları, turistlər də
daxil olmaqla 61 nəfər güllələndi. Sonra binaya benzin səpib od
vurdular.
Bir müddət sonra Los Zetasdan Meksika prezidenti Filip Kalderonun
administrasiyasına zəng vurub hökumət üçün “sürpriz”
hazırladıqlarını dedilər və Duranqo şəhəri yaxınlığında bir əraziyə
baxmağı tövsiyyə etdilər. Polis həmin koordinatda axtarış aparanda
Los Zetas tərəfindən oğurlanmış 250 nəfərin meyitini tapdı. Onların
arasında qadınlar və uşaqlar da vardı. Heç kimə aman
verilməmişdi.
Las Zetas üzvləri adətən öldürdükləri adamların barmaqları və
dişlərini çıxarırlar ki, meyitin şəxsiyyətini müəyyən etmək
olmasın.
Məlumatlara görə, Los Zetasın ölkə boyu çoxsaylı həbsxanaları
var.
İlqar Atabəyli
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi