Bilgi.az

Oruc ola-ola zorla yemək yedirdilər – Şok

14 İyul 2014 11:13

Çində, uyğur türklərinin yaşadığı Sincan Uyğur Muxtar Vilayətindəki universitetlərdə bəzi tələbələrə oruc ola-ola müəllimlərinin nəzarəti ilə zorla yemək yedirdikləri iddia edilib.

Publika.az xəbər verir ki, adlarının açıqlanmasını istəməyən üç tələbə rəhbərliyin onlara “yemək yeməsəniz, normal bir həyatınız olmaz” dediyini iddia edib.

“BBC”nin xəbərinə görə, Qaşqar Universitetinin tələbələri oruc tutmaqda israrlı olduqları üçün yazılı surətdə xəbərdarlıq alıblar. Üstəlik, onları məzun olduqdan sonra karyeralarının təhlükədə ola biləcəyi ilə təhdid ediblər.

Tələbələrin dediyinə görə, bu, müsəlmanların başına gələn ilk qalmaqal deyil. Bundan əvvəlki illərdə də Ramazan ayında oruc tutan tələbələrə diplom verməyiblər.

Xatırladaq ki, bundan öncə Sincan Uyğur Muxtar Vilayətində yaşayan uyğurlara oruc tutmağın yasaqlandığına dair xəbər vermişdik.

Vüsal Tağı