Bilgi.az

Ərlərini kəmərlə boğan qadın

31 İyul 2014 11:57

Volqoqradda ərini boğaraq öldürən 41 yaşlı qadının cinayət işinin istintaqı davam edir.

Publika.az “Bloknot-Volqoqrad” saytına istinadən xəbər verir ki, hadisə iyulun 27-də, Volqoqradın Qorodişe qəsəbəsində baş verib.

Keçmiş polis işçisi və onun həyat yoldaşı evlərində ziyafət təşkil ediblər. Qonaqlar getdikdən sonra ər öz həyat yoldaşından nəvaziş istəyib. Bu isə qadının xoşuna gəlməyib. Qadın əyninə geydiyi xalatın kəmərini çıxararaq, onu ərinin boynuna dolayıb. Sonra kişini boğaraq öldürüb.

Hadisə barədə polis orqanlarına qadın özü xəbər verib.

Maraqlı burasıdır ki, o, 2002-ci ildə də analoji cinayət törətmişdi. Maraqlıdır ki, qadının birinci əri də polis işçisi olub. O, arvadı ilə kobud davranırmış. Qadın onu da kəmərlə boğub və bu cinayətə görə 4 il həbs cəzası alıb.

İlqar