• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Əriştə ölümə səbəb ola bilər

  • Maraqlı
  • 14 Avqust 2014 17:37
  • 593 Baxış
Əriştə ölümə səbəb ola bilər

Amerikan alimləri həftədə 2-3 dəfə əriştə, o cümlədən yapon əriştə şorbası yeyən insanlarda kardiometabolik sindrom riskinin daha çox olduğunu müəyyən edib. Bu isə öz növbəsində diabet və insult kimi ürək xəstəliklərinin və s. artmasına səbəb olur.

Bu daha çox tez hazır olan əriştə yeməklərinə aiddir. Bu məlumatı “Qida” jurnalında tədqiqatçı müəllif Hen Cun Şin deyib. Həkim Şinin məlumatına görə, tez başa gələn hazır əriştə qadınların sağlamlığına ziyan vurur. Bu tipli əriştələr daha çox Asiya ölkələrində məşhurdur. Son zamanlar Asiya xalqları arasında cırtdanboyluq baş alıb gedir. Bu isə ürək xəstəliyindən xəbər verir. Bundan əlavə, yaşlı əhali artıq çəkidən də əziyyət çəkməyə başlayıb.

Digər yenidən işlənmiş məhsullar kimi, əriştənin tərkibində duzun miqdarı çoxdur. Duz isə ürək xəstəlikləri və insulta yol açır. Üzərinə qaynar su əlavə etməklə hazırlanan əriştə yeməklərindən ən çox qadınlar ziyan çəkir. Əriştə qadınlarda daha çox cinsi hormon və maddələr mübadiləsinə təsir edir.

Digər faktor bundan ibarətdir ki, əriştənin penoplast konteynerdə qablaşdırılması üçün bisfenol A adlı maddədən istifadə olunur. Tədqiqatlar göstərib ki, bisfenol A estrogen olmaqla hormonlara pis təsir edir.

Nura

Xəbər lenti

DAHA ÇOX XƏBƏR