Bilgi.az

“Söz vermişdim, müharibədən sağ çıxsam, nəşə çəkəcəyəm”

20 Avqust 2014 01:04

İsraildə hərbi polis ÇAXAL ordusunun 20 yaşlı sıravi əsgərini saxlayıb.

Publika.az İsrail mətbuatına istinadla xəbər verir ki, Qəzzadakı hərbi əməliyyatlarda iştirak edən sıravi əsgər narkotikdən istifadə etməkdə suçlanır.

Məlum olub ki, əsgər Qəzza zolağının Beyt-Hanun, həmçinin bölgənin şimal hissəsində keçirilən əməliyyatlarda iştirak edib. Hərbi əməliyyat başa çatdıqdan sonra qısamüddətli məzuniyyət alan əsgər marixuana alıb və ondan istifadə edib. Dindirilmə zamanı o, narkotikdən istifadə etdiyini gizlətməyib: "Həyatımda ilk dəfə narkotikdən istifadə etdm. Qəzzaya gedəndə özümə söz vermişdim ki, müharibədən sağ çıxsam, nəşə çəkəcəyəm. Mütləq onun dadına baxacağam".

Hərbçi barədə narkotikin saxlanılması və qəbul edilməsi ilə bağlı cinayət işi qaldırılıb.

İlqar