500 nəfəri zorlamış manyak telejurnalist

BBC telekanalının məşhur teleaparıcısı, mərhum Cimmi Sevil haqda Britaniya mətbuatında şok məlumatlar dərc olunur.

Məlum olub ki, Sevil seksual manyak imiş. O, 500 artıq adam zorlayıb. Hətta ölülərlə belə cinsi əlaqədə olub.

Qeyd edək ki, Sevil – Britaniyanın Səhiyyə Nazirliyi ilə əməkdaşlıq edirmiş və klinikalar, xəstələr üçün xeyriyyə aksiyaları keçirirmiş.

Xeyriyyə aksiyalarının birində səhiyyə təşkilatları üçün 3,5 miyon funt sterlinq (6 milyon dollar) topladıqdan sonra bütün klinikaların qapıları Sevilin üzünə taybatay açılmışdı.

Manyak aparıcı 28 səhiyyə ocağında zorlama faktı törədib. Zorlananların arasında xəstələr də olub, həkimlər də.

Qurbanlarının yaşı da müxtəlif olub – 5 yaşdan 75 yaşadək.

Lisd xəstəxanasında zorladığı 16 yaşlı qız hamilə qalanda Sevil ona abort məsləhət görmüşdü. Qıza anlatmışdı ki, buna imkan verməsələr, intihara cəhdi imitasiya edərək valideynlərini və həkimləri qorxutsun. Bu, effekt verir. Həkim 16 yaşlı qızı abort edir. Ancaq həkim qızın atasına məsləhət də verir: "Get, Sevilin evinə, qanla divarda yaz ki, Cimmi, sən alçaqsan, murdarsan".

Zorlananlardan bəziləri klinika administrasiyasına və valideynlərinə başlarına gələni danışırlar. Lakin tədbir görülmür. Xeyriyyəçi manyakın nüfuzu o qədər çox idi ki, heç kim ona qarşı getmək istəmirdi.

Sevil öz cinayətlərini 1962-2009-cu illər aralığında edib.

Hazırda cinayətlərlə bağlı 200 adam dindirilib. Əgər Cimmi Sevil 2011-ci ildə öz əcəli ilə ölməsə, indi Britaniya tarixinin ən hay-küylü məhkəmə prosesi keçiriləcəkdi.

Axı Sevilin qurbanlarının sayı nə az nə çox, düz 500 nəfərdir.

İlqar Atabəyli