Bilgi.az

Ceyms Bond gerçək olur: lazer saat ixtira olundu - VİDEO

22 Noyabr 2014 12:59

Almaniyada yaşayan həvəskar ixtiraçı Patrik Pribe lazer qol saatı ixtira edib.

Publika.az-ın lenta.ru-ya istinadən verdiyi xəbərə görə, cihaz 1983-cü ildə çəkilmiş "Heç vaxt "heç vaxt" demə" filminin baş qəhrəmanı Ceyms Bondun saatının prototipidir. Lazer saat vasitəsilə əşyaları bir neçə metrdən yandırmaq mümkündür.

Pribenin sözlərinə görə, belə bir saat düzəltmək onun ağlından da keçməyib. Lakin azarkeşlərin çoxsaylı təkidi ilə belə bir ixtiraya imza atıb. Əsas vəzifəsi vaxtı göstərmək olan saat əlavə olaraq lazerlə də təchiz olunub.

İxtiraçı özü də etiraf edir ki, saat gündəlik istifadə üçün münasib deyil. Yeni ixtiranın daha bir məhdud cəhəti də müəyyən vaxt limitində işləməsidir. Belə ki, saatın batareyaları enerji toplayaraq işlədiyindən, onu bütün gün ərzində işlətmək mümkün deyil.

Daha əvvəl ixtiraçının "Dəmir adam" və "Hörümçək adam" filmlərindən istifadə edərək, lazer əlcək ixtira etdiyi də məlumdur.

Gülnar Əliyeva