Bilgi.az

Canlı gəlinciklər - FOTOLAR

28 Noyabr 2014 10:20

İndoneziyanın paytaxtı Cakartada yerləşən rayonların birində ucqar bir yer var. İlk baxışdan həmin yer heç nəyi ilə fərqlənmir: çirkli küçələr, pis inşa edilmiş binalar, ətrafda boşluq və çirkab. Əgər yolunuz bu rayona düşərsə, sizi üst-başından çirkab axan uşaqlar əhatə edəcək və pul dilənəcək.

Əgər siz oradan dərhal uzaqlaşmasanız, dilənçilər arasında qəribə formalı canlılarla rast gələcəksiniz. Həmin canlılar ilk baxışdan sizdən pul dilənən uşaqlara oxşayır. Lakin diqqətlə baxdıqda görə bilərsiniz ki, həmin canlının quyruğu və ayaqları var. Turistlərin diqqətini cəlb etmək üçün maraqlı və qorxunc bir metod kəşf olunub.

Pul dilənən uşaqlar meymuna uşaq paltarı, başına isə gəlincik maskası geyindirir. Məqsəd isə birdir: pul dilənmək. Bu, bəzilərinə qorxunc gəlsə də, dilənçilər acından ölməmək üçün bu üsula da əl atıb. "Canlı kuklaya" bənzəyən meymunların dilənçiliklə məşğul olduğu yer "KampungMonyet" (Meymunlar kəndi) adlanır.

Nura