• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Can Atəş danışdı… Övladı haqqında nə dedi?

  • Maraqlı
  • 13 Fevral 2014 17:25
  • 1 147 Baxış
Can Atəş danışdı… Övladı haqqında nə dedi?

“Yaşananlara yeni doğulmuş bir körpəni də daxil etməmək üçün…”

Məryəm Üzerli ilə olan əlaqəsi qalmaqalla bitəndən sonra doğum üçün Meryemin yanına gedib getməyəcəyi maraqla gözlənilən Can Atəş ilk dəfə danışıb. Fevralın 10-da övladını dünyaya gətirən Üzerlinin yanına getməyən Atəş yazılı açıqlama verib:

“Şəxsi həyatımla bağlı danışmamaq istəməsəm də, övladımın dünyaya gəlməsindən sonra bu mövzuda gələn bir çox suala cavab vermək və yaşananlara yeni doğulmuş bir körpəni də daxil etməmək üçün sizləri məlumatlandıracam.

Əvvəlcə qeyd edim ki, qızıma daha fərqli şəkildə xoş gəldin desəm, xoşbəxt olardım. Heç nə dünyaya gələcək körpənin sağlamlığından, xoşbəxtliyindən daha əhəmiyyətli ola bilməz düşüncəsi ilə hərəkət etdim.

İki nəfər arasında yaşanmış münasibətin elə həmin iki nəfər arasında da qalması daha məqsədə uyğundur. Buna görə də uşaqlarıma və özümə olan hörmətimə görə susmağı seçdim. Eyni zamanda ana olacaq bir qadının psixologiyasını düşünərək susdum, indi də qızımın xoşbəxtliyi və sağlamlığı üçün susmağa davam edəcəm.

Məncə yaxşı bir ata olmaq yaxşı bir sevgili olmaqdan, yaxşı bir yoldaş olmaqdan çox daha önəmlidir.

Məryəmlə ayrılmış olsaq da, indi artıq tək məqsədim uşağımı öz himayəmə götürmək, bütün həyatım boyunca, maddi, mənəvi olaraq sevgi və diqqət içində uşağımın yanında olmaqdır”.

Hörmətlə, Can Atəş

Xəbər lenti

DAHA ÇOX XƏBƏR