Kiloqramı 1250 dollara çay satılır

Xərçəng xəstəliyinin müalicəsində istifadə oluna bilən ağ çayın dəyəri gündən-günə artır.

Publika.az-ın məlumatına görə, Şrilanka və Hindistanda yetişdirilən bu çay növü artıq bu ildən Türkiyədə də yetişdirilməyə başlayıb. Artıq çayın satışına da başlanılıb. Özəl bir şirkətin istehsal etdiyi 70 kiloqram ağ çayın kilosu 1100-1250 dollara satılacaq.

Ağ çay almaq üçün Rizə Ticarət Birjasına çay almaq üçün mindən çox insan müraciət edib. Tələbin böyük bir hissəsi qarşılanıb.

Türkiyədə ağ çay istehsal edilməmişdən əvvəl 5 il Hindistanda araşdırma aparılıb. Satışa buraxılan 70 kiloqram çayın hamısı satılıb.Çayın bir qismi 1100 dollara xarici şirkətə, qalanı 1250 dollara yerli sakinlərə satılıb. Növbəti ildən istehsalın artması planlaşdırılır.

Araşdırmalara görə, ağ çayın 1 kiloqramında olan keyfiyyət 150-200 kiloqram qara çaydan daha çoxdur. Yaponiyada aparılan araşdırmaya görə, bu çay "JP53"kod adı verilən xərçəngin müalicəsində effektli təsiri var. Ağ çayın başda bağırsaq sistemi olmaqla bir çox xəstəliklərin müalicəsində faydalı olduğu deyilir.

Dünyada bu çayın bir kilosu 1000-15 min dollar arası dəyişir.

Gülxar