Bilgi.az

Ata qızını gizlincə telefona çəkəni öldürdü... – FOTOLAR

10 Fevral 2015 17:11

İspaniyanın Sotoqrande kurort zonasında dincələn britaniyalı ata qızına qarşı pedofil hərəkətlər edən alman vətəndaşını bir yumruqla qətlə yetirib.

Publika.az xəbər verir ki, 40 yaşlı Devinder Keinz ailəsi ilə kurort zonasında dincəlirmiş. Restoranda ailəsi ilə nahar yeməyinə hazırlaşan vaxt Devinder alman vətəndaşının planşetlə onun azyaşlı qızını videoya çəkdiyini görüb.

O, Sandro Rottman adlı şəxsə qızını çəkməmək barədə xəbərdarlıq etsə də, alman vətəndaşı onun sözlərinə məhəl qoymayıb. Boksçu ata, Sandronun əlindən planşeti qamarlayıb. Devinder planşetdə qızının fotolarını gördükdən sonra onu yerə çırparaq sındırıb. O, sonra Rottmanın başından yumruqla vuraraq, restoranı tərk edib.

Bir dəfə uşaq pornoqrafiyasında ittiham olunan Rottman xəstəxanaya aparılsa da, onun həyatını xilas etmək mümkün olmayıb.

Devinder həbs olunsa da, onun bəraət qazanmaq ehtimalı da var.

Tədqiqatlar davam etdirilir.

Nura