Bilgi.az

Toyda ŞOK - gəlin bəyi tərk etdi

13 Mart 2015 14:02

Hindistanda toy zamanı zarafat kimi hadisə yaşanıb.

Gəlin toyun ortasında bəyi tərk edib. Buna səbəb isə bəyin sadə bir toplama əməlini yerinə yetirə bilməməsi olub. Bundan sonra qız elə nikah masasındaca bəyi qoyaraq ayağa qalxıb və gedib.

Gəlin toy zamanı bəyə sadə sual verib: "15-in üstünə 6 gələndə neçə edir?" Bəydən 17 cavabını eşidən gəlin evlənmək fikrindən daşınıb.

Bəyin ailəsi qızı fikrindən daşındırmağa çalışsa da, bu, onlarda alınmayıb. O, gələcək ərinin təhsili ilə bağlı onu aldatdığını deyib.

Polisin köməyi ilə ailələrin toydan öncə bir-birinə verdikləri hədiyyələri də geri qaytarıblar.

Qeyd edək ki, bənzər hadisə bir müddət öncə də yaşanmışdı. Toyda ürəyi gedən bəyi bağışlamayan gəlin onu mərasimdəki qonaqlardan biri ilə əvəz edib. Buna əsas olaraq isə bəyin sağlamlıqla bağlı problemi gizlətdiyini göstərib. (anspress.com)