Bilgi.az

Misir arxeoloqları firon sərdabəsini aşkar etdilər

21 Aprel 2015 22:33

Misir tarixçiləri daha bir uğura imza atıblar.

Publika.az xarici mətbuata istinadən xəbər verir ki, arxeoloqlar qazıntılar zamanı firon Xabın sərdabəsini aşkar ediblər. Sərdabə Xuveysin şəhərinin yaxınlığında, Nilin deltasında, ölkənin şimalında aşkar edilib.

Misirin qədim abidələr və mədəniyyət naziri Mamdux el-Damati bildirib ki, aşkar edilmiş sərdabə ilə bağlı tarixi bilgilər əvvəllər çox az idi. Yeni tapıntılar həmin dövr barəsində bəzi bilgilərin əldə edilməsinə imkan verəcək.

Firon Xab hakimiyyəti çox da uzun çəkməyib. O, eramızdan əvvəl 2643-cü ildən 2637-ci ilədək hakimiyyət sükanı arxasında olub. Yeri gəlmişkən, rus arxeoloqları da Qahirədən 20 kilometr cənubda Misirin 5000 il əvvəl mövcud olmuş ilk paytaxtı Memfisin divarlarının nümunələrini aşkar ediblər.

Anar Tağıyev