• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

Məşhurların fantastik nikah müqavilələri - FOTO

  • Maraqlı
  • 22 May 2015 05:59
  • 624 Baxış
Məşhurların fantastik nikah müqavilələri - FOTO

Boşanmadan sığortalanmağın ən münasib yolu nikah haqqında müqavilənin imzalanmasıdır. Bunu daha çox qazancı orta statistik göstəricidən çox olan ulduzlara şamil etmək olar.

Publika.az "Bizim tərcümə" layihəsində səcdəgaha getməzdən öncə ulduzların imzaladığı nikah haqqında olan müqavilələri təqdim edir.

Nikol Kidman və Kit Urban

Avstraliyalı aktrisa Nikol Kidman keçmiş əri Tom Kruzdan qalmaqllı hadisələrdən boşandıqdan sonra müğənni Kit Urbana ərə getdi. Birinci nikahı Kidmana mənfi təsir göstərdiyi üçün aktrisa etdiyi səhvləri ikinci nikahında təkrarlamaq niyyətində deyildi. Ona görə də, Kidman nikaha daxil olmazdan əvvəl Kit Urbanı nikah müqaviləsini imzalamağa məcbur etdi. İş ondadır ki, Kit də az aşın duzu deyildi. Çünki, Kit vaxtı ikən narkotik aludəçisi olub. Kidman isə nikahının pozulmasının əleyhinədir. Ona görə də, aktrisa evliliyi qorumaq üçün Kit ilə birgə yaşadığı ili 640 min dollara qiymətləndirib. Bu o deməkdir ki, Kit özünü saxlaya bilməyib narkotik istifadə edərsə, müğənni heç qara qəpik də almadan Nikola pul ödəyəcək.

Ketrin Zeta-Cons və Maykl Duqlas

Ketrin Zeta-Cons və onun əri məşhur aktyor Maykl Duqlasən nikah müqaviləsində qeyri-real məbləğdə pul göstərilib. Belə ki, 2000-ci ildə müqaviləyə imza atmış Ketrin, əri ilə yaşadığı hər ilə görə 2,8 milyon dollar alır. Əgər qadınların sevimlisi Maykl Duqlas arvadına xəyanət edərsə, o, arvadına nə az, nə çox düz 5 milyon dollar cərimə ödəməli olacaq.

Elin Nordqren və Tayger Vuds

İsveçli fotomodel Elin Nordqren qolf oyununun ən mahir ustası Tayger Vudsla 2004-2010-cu illərdə nikahda olub. Cütlüyün nikahının pozulmasına avtomobil qəzası təkan verib. Polis qəza ilə tədqiqat apararkən Vudsun küllü miqdarda nikahdan kənar münasibətlər yaşadığını aşkar edib. Onun bu "qara işlərindən" heç Elinin də xəbəri olmayıb. Xoşbəxtlikdən, Elin özünü əvvəlcədən sığortalamışdı və boşanmaya görə keçmiş ərindən ilkin mərhələdə 20 milyon dollar ala bildi.

Beyons və Cey-Zi

İfaçı Beyons və reper Cey-Zinin ailəsi Amerikada sanki nümunədir. Onlar bir-birini tamamlayır və birgə azyaşlı qızını tərbiyə edir. Bununla belə, onların da ailəsi nikah müqaviləsindən kənar qalmayıb. Beyons ərindən boşandığı təqdirdə Cey-Zi ilə yaşadığı hər ilə görə 15 milyon dollar ala biləcək.

Cessika Bil və Castin Timberleyk

Hollivudun ən yaraşıqlı aktrisası olan Cessika Bil də əri tərəfindən edilə bilən xəyanətdən ehtiyatlanır. Ona görə də, milyonların sevimlisi olan Cessika Bil 2012-ci ildə ifaçı və aktyor Castin Timberleykə ərə gedərkən bir neçə səhifəlik nikah müqaviləsi imzalatdırıb. Verilən xəbərə görə, Castin arvadına xəyanət edəcəyi halda Cessikaya 500 milyon dollar kompensasiya ödəyəcək.

Bred Pitt və Anjelina Coli

Nəinki, Amerikanın hətta, dünyanın ən populyar cütlüyü olan Bred Pitt və Anjelina Coli də nikah müqaviləsi ilə ailə qurublar. Hələ 2012-ci ildə nişanlanan cütlük, 2013-cü ildə tarixin ən böyük nikah müqaviləsinə imza atıb. Belə ki, müqavilə 101 səhifədən ibarət olub. Ər-arvad müqavilədə öz şərtlərini və uşaqların qəyyumluğu haqda olan bəndləri dəqiqliyi ilə qeyd edib. Verilən məlumata görə, nikah müqaviləsi tamamilə Bredin ideyasıdır.

Tom Kruz və Keti Holms

Aktyorlar Tom Kruz və Keti Holms evli olarkən, Ketinin boşanacağı təqdirdə ağlasığmaz məbləğdə kompensasiya alacağı haqda xəbərlər mətbuatda yayılmışdı. Cütlük 2012-ci ildə qalmaqallı hadisədən boşandıqdan sonra gözləntilər özünü doğrultmadı. Belə ki, Keti qızının alimenti kimi aldığı illik 400 min dolları saymasaq, o, boşanmadan bir köpük də qazana bilmədi. Nəzərə almaq lazımdır ki, Tom Kruz Hollivudun ən varlı aktyorlarından biridir, lakin arvadından çox qızına pul ödəyir.

Çarli Şin və Deniz Riçards

Məşhur Hollivud aktyoru Çarli Şin aktrisa Deniz Riçardsla olan evliliyi ona əməlli başlı "dərs" verib. Bu elə bir "dərs" olub ki, aktyor nikah müqaviləsi sahəsində peşəkara çevrilib. Arvadına etdiyi xəyanətə görə, Çarli Şin ona 4 milyon dollar ödəməli olub. Nəticədə, aktyor ikinci dəfə ailə qurmaq istədiyi porno aktrisaya nikah müqaviləsini imzalatdırmaqdan vaz keçib.

Bred Pitt və Cennifer Eniston

2000-2005-ci illərdə Bred Pitt və Cennifer Eniston evli olub. Onları bir-biri ilə agentləri tanış edib və ilk baxışdan sevən cütlük dərhal evlənməyə qərar verib. Onların evliliyi 5 il çəkib. Bred film çəkilişləri zaman Anjelina ilə tanış olduqda isə arvadını atıb və o, Hollivudun ən seksual aktrisasının yanına gedib. Bununla belə, Bred və Cennifer xoşluqla ayrılıb. Çünki onların nikah müqaviləsindən başqa bölməyə heç nələri olmayıb. İş ondadır ki, onlardan heç bir işi çətinləşdirməyərək əlavə sənədlərə imza atmamışdı.

Tərcümə: Nərmin

Xəbər lenti

DAHA ÇOX XƏBƏR