Bilgi.az

Kimsəsiz adanı satın alıb cənnətə çevirdi - FOTOLAR

19 İyun 2015 03:54

Avstraliyalı iş adamı Melita Kaulmandes bəşər tarixinə Yer üzündə yeni cənnət qurmuş qadınlardan biri kimi düşüb.

Publika.az xəbər verir ki, hələ bir müddət əvvəl Kambocaya işləmək üçün gələn Melita Siam körfəzində yaşamaq qərarına gəlib. O, bir qədər sonra kimsəsiz adalardan birini 15000 dollara satın alaraq burada gözəl port inşa etdirib.

Bu gün "Song Saa Resort" adını alan, 27 villanın, restoranların, mətbəxlərin yerləşdiyi, xüsusi xidmətlərin yer aldığı, peyzajları ilə seçilən ada əsil cənnət məkanını xatırladır. Bir vaxtlar kimsənin yaşamadığı bu adada indi bir sutka dincəlmək 870 dollara başa gəlir. Bütün bunlar bir yana, işgüzar qadının on minlərlə dollar xərc çəkdiyi bu ərazi indi yüzlərlə işsiz insan üçün gəlir yerinə çevrilib. Adanın sakinləri burada inşa edilən tikililər üçün əsas materialları – ağaclardan hazırlayırlar.

Burada villaları satın almaq, habelə kirayəyə vermək də olar. Lakin qiymətlər olduqca bahadır – 600 mindən 1,7 milyon dollara qədər.

Anar Tağıyev