Erkən ölümün ən mühüm səbəbi tapıldı
Bizi izləyin

Maraq dünyası

Erkən ölümün ən mühüm səbəbi tapıldı

Yer kürəsindəki hər 20 nəfərdən birini erkən ölüm təhdid edir.

Kaliforniya (ABŞ, Los-Anceles) universitetindən olan genetiklər, avropalı kolleqaları ilə birlikdə müəyyən ediblər ki, Yer kürəsindəki hər 20 nəfərdən birini erkən ölüm təhdid edir.

Publika.az xəbər verir ki, bu barədə "Aging" nəşri məlumat yayıb. Tədqiqatçılar qeyd ediblər ki, dünyada təkcə düzgün həyat tərzi keçirməyən, özünü vaxtından əvvəl ölməkdən xilas etməyən insan qrupları mövcud deyil. Eyni zamanda, özündən asılı olmadan tez qocalan və ölən insan qrupları var. Birincilər o adamlardır ki, lazım olandan artıq yeməklə və idmandan imtina etməklə vaxtından əvvəl qocalmağa başlayırlar. İkincilərin tez qocalması isə onların genetik xüsusiyyətlərindən asılıdır.

Alimlər bu vəziyyətdə olan 13 min insanı tədqiq ediblər. Məlum olub ki, sən demə, bunların təqribən 5%-nin bioloji yaşı real yaşından yuxarıdır. Bu insanların genlərinin tədqiqi zamanı onların erkən yaşlarda qocalmasına səbəb olan amillər meydana çıxıb. Bu erkən yaşlanmaya DNK-ların metilləşməsi səbəb olur ki, bu da erkən ölüm riskini 50% artırır.

Tədqiqatçılar izah edirlər ki, əgər 60 yaşlı siqaret çəkən kişinin DNK-sı metilləşməyə məruz qalırsa, deməli onun erkən ölmə ehtimalı 75% yüksəlib. Əgər o, erkən qocalan orqanizmlər qrupuna daxil deyilsə, onun erkən ölmə riski 60%-ə enir. Alimlər hələ ki, bu problemlə necə mübarizə aparmaq lazım gəldiyini bilmirlər. Amma onlar əmindirlər ki, insanları orqanizmlərinin genetik xüsusiyyətləri səbəbindən erkən qocalmadan xilas etməyin yollarını tapacaqlar.

Oxumağa davam et
Reklam
Reklam

Gündəm