Maraq dünyası
Osmanlı sultanlarının QƏRİBƏ HƏYATI: Gecələr yatmayan, qadınları özünə yaxın buraxmayan... - - FOTO
Osmanlı sultanlarının da adi insanlar kimi qəribəlikləri və hobbiləri olub.
Kimisi gecələr yatmır, kimisi qadınları özünə yaxın buraxmır, kimisi musiqi bəstələyir, kimisi isə xanımlardan daha çox qızıl-zinət əşyaları taxır, digəri isə hər kəsdən çox ulduzlara və astrologiyaya inanırdı.
Publika.az Osmanlı sultanlarının qəribə xüsusiyyətlərini təqdim edir.
1. IV Murad
IV Murad qaçan ata başqa bir atla çata bilir və birincinin üstünə tullanaraq minə biləcək qədər peşəkar atlı idi.
2. IV Mehmed
IV Mehmed isə bədəninin çox sağlam və gümrah olması ilə məşhur idi. Belə ki, bir dəfə ov zamanı onun 20 saat at üstündə qaldığı və heç yorulmadığı deyilir.
3. Orxan Qazi
Yüzə qədər qalası olan Orxan Qazi vaxtının çoxunu bu qalaları gəzməkdə keçirərdi. Bir səyyahın dediyinə görə, heç bir şəhərdə bir aydan çox qalmazdı.
4. III Murad
III Muradın ağzından heç vaxt "Xeyr" sözü çıxmazdı. Onun həddindən artıq nəcib insan olduğu deyilir.
5. Sultan Süleyman Qanuni
Sultan Süleyman Qanuni görünüşünə çox əhəmiyyət verərdi. Təsadüfi deyil ki, dövrünün ən zövqlü geyinən imperatorlarından biri olub. Elə bilirsiniz ki, brilyantları yalnız qadınlar dəlicəsinə sevir? Yanılırsınız, Sultan Süleyman atası kimi qızıl-zinət əşyalarına böyük maraq göstərər, hətta qadınlardan daha çox bəzək taxardı.
6. Yavuz Sultan Səlim
Gecələr yalnız 3-4 saat yatan Yavuz Sultan Səlim vaxtının əksər hissəsini yazıb-oxumaqla keçirərdi. Eyni zamanda Yavuz Sultan Səlimin müqəddəs əmanətlər kolleksiyası vardı. Topqapı Sarayındakı çini kolleksiyanın çox mühüm bir qisminin də padşaha məxsus olduğu deyilir.
7. II Bəyazit
II Bəyazit isə mahnılar bəstələyərdi. O, musiqi bəstələyən yeganə Osmanlı padşahıdır.
8. Fateh Sultan Mehmed
Fateh Sultan Mehmed isə kartoqrafiya ilə məşğul olmaqdan böyük zövq alardı. Yeməklərini isə tək yeməyi sevirdi. O, bu adəti saraya ilk gətirən padşahdır.
9. II Murad
Musiqi və poeziyanı sevən II Murad sənətkarlara yüksək dəyər verərdi. O, eyni zamanda əsl kitab qurdu olub. II Murad xüsusi kitabxanası olduğu deyilən ilk Osmanlı padşahıdır.
10. Çələbi Mehmed
Çələbi Mehmed ov həvəskarı olub. Ölümünə səbəb də elə bu təhlükəli həvəsi olub. Belə ki, Ədirnədə padşah ov zamanı qabanı qovarkən atdan düşərək vəfat edib.
11. İldırım Bəyazit
İldırım Bəyazit əsl sərkərdə olub. Belə ki, tarixçilər onun silah işlətmək qabiliyyəti və ata minmək bacarığı barədə danışmaqdan yorulmur.
12. Osman Qazi
Osman Qazi bir paltarı yalnız bir dəfə geyinərdi. Lakin bunu etməsinin səbəbi israfçılığı deyildi. Əksinə, yoxsul insanları sevindirməyi xoşlayırdı. Əgər kimsə paltarına diqqətlə baxarsa, dərhal əynindən çıxarıb o adama bağışlayardı.
13. I Mahmud
I Mahmud stressini şahmat oynamaq və lalə əkməklə atardı.
14. I Mustafa
I Mustafa isə qadınların ona yaxınlaşmasına heç vaxt icazə verməzdi.
15. III Osman
III Osman yumşaq xasiyyətli olsa da, hər şey üstündə tez əsəbiləşirdi. Gözəl qadınlara bir komplimenti belə çox görən III Osman musiqini də sevməzdi. Bütün bu qəribə xasiyyətləri ilə yanaşı, xalqının dərdinə əhəmiyyət verərdi. Bunun üçün o, tez-tez qiyafəsini və xarici görünüşünü dəyişərək ictimai yerlərə gedər, xalqa qaynayıb qarışardı.
16. Sultan Vahdəddin
Sultan Vahdəddin isə göyərçinləri çox sevərdi.
17. III Mustafa
III Mustafa isə pul kəsmə sənəti və numizmatika ilə ciddi maraqlanırdı. Taleyə çox inanan III Mustafa astrologiya ilə də maraqlandı.
18. II Əbdülhəmid
II Əbdülhəmid səyahət edə bilmədiyi üçün bütün dünyaya aid səyahətnamələri tərcümə etdirib oxutdurmuşdu.
19. I Əhməd
I Əhmədin taleyi 14 rəqəmi üzərində qurulduğu iddia olunur. Nə üçün? Çünki I Əhməd 14 yaşında taxta çıxan 14-cü Osmanlı padşahı və 14 il hakimiyyətdə olan padşahdır. O, 28 yaşında vəfat edib.
Aytən
-
Nəqliyyat08:22
Bakının bu yollarında tıxac yarandı - SİYAHI
-
Sağlamlıq07:08
Səhər oyanan kimi 5 ədəd qoz yesəniz, görün nələr olacaq...
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi
-
MDB18 Mart 22:15
“Rusiya nüvə tərksilahına dair danışıqlara hazırdır” - Peskov
-
Magazin118 Mart 21:50
Renka qəza keçirdi - FOTO
-
Ekologiya18 Mart 20:15
Torpaq çərşənbəsində və Novruz bayramında hava belə olacaq - VİDEO