Dünyanın ən az ziyarət olunan 10 ölkəsi - - FOTOLAR
Bizi izləyin

Maraq dünyası

Dünyanın ən az ziyarət olunan 10 ölkəsi - - FOTOLAR

Avropadan Amerikaya hər il milyonlarla turist axışır.

Avropadan Amerikaya hər il milyonlarla turist axışır. Bəzən bizə elə gəlir ki, dünyada turist ayağı dəyməyən yer qalmayıb. Çünki ən kiçik ölkələrdə belə nəsə maraqlı bir şey tapmaq mümkündür. Ancaq elə ölkələr var ki, turist sarıdan əməlli-başlı korluq çəkir. Hətta demək olar ki, həmin ölkələrə nadir hallarda əcnəbi vətəndaşlar ayaq basır. Yetərincə gözəlliyə malik olmasına baxmayaraq, turistlərin diqqətini çəkməyən bu ölkələr görəsən hansılardır?

Publika.az məhz diqqətdən kənarda qalan bu ölkələrdən bəhs edəcək:

1. Əfqanıstan

Uzun illərdir adı müharibə və qarşıdurmalarla hallanan Əfqanıstan təhlükəsizliyin təminatı səbəbindən turistə möhtac qalıb. Halbuki ölkədə görüləcək yetərincə tarixi əsər, gəzməli təbii məkanlar var. Gəzməyi sevən avropalılar isə bu Asiya ölkəsinə getməyə əsla can atmır. Canından qorxduğu üçün...

2. Türkmənistan

Ölkədə tətbiq olunan qayda-qanun və turistlərin işini çətinləşdirən sistem üzündən ziyarətçilərin sayı olduqca aşağıdır. Burada Qaraqum səhrasını və tarixi məscidləri görməyə dəyər.

3. Qvineya-Bisau

İnfrastruktur sahəsindəki çatışmazlıqlar, həmçinin tarixi və turizm məkanlarının azlığı turistləri bu ölkədən uzaqlaşdıran əsas səbəblərdir.

4. Liviya

Qəddafi diktaturasının kölgəsində qalan Liviya hazırda yeni hökumət tərəfindən idarə olunsa da, hələ də burada qarşıdurmaların izinə rast gəlmək mümkündür. Bu üzdən Liviya turistlərin diqqətini çəkə bilmir.

5. Komor adaları

Hind okeanında yerləşən Komor adalarının turistlərin diqqət çəkə bilməməsinin tutarlı səbəbləri var. Burada ciddi qaydalar tətbiq olunur. Ölkədə spirtli içkilərin istifadəsi yasaqdır. Bundan başqa, turistlərin geyimlərinə də müdaxilə edilir. Avropalı turistlərə əlavə pul da versən, belə yerlərə getməzlər.

6. Ekvatorial Qvineya

Afrika qitəsinin ən az ziyarətçi qəbul edən ölkələrindən biridir. Burada qadağalar çoxdur. Əsas da səyahət edənlərin ən ümdə əyləncəsi olan şəkil çəkmək burada yasaqdır. Bir sözlə, “ekvatorlular” özləri turistlərə “bura gəlməyin” deyir.

7. Marşall adaları

Dünyanın o biri ucu misalına uyğun bir yerdir. Təbiəti gözəl olsa da, uzaqlığı və nəqliyyat çətinliyi Marşallı turistlərdən uzaq salan əsas səbəblərdir.

8. Tuvalu

Marşall adaları kimi Tuvalu da düz okeanın ortasında yerləşir. Daim Sakit okean sularının altında qalmaq təhlükəsiylə üz-üzə olan bu adanı görmək istəyənlər tələssin...

9. Somali

Təhlükəsizlik qorxusu üzündən az maraq cəlb edən ölkələrdən biri də Somalidir. Hər an baş verən silahlı qarşıdurmalar üzündən turistlər Somaliyə getməyi ağıllarından belə keçirmirlər.

10. Nauru

Dünyada ən az ziyarət olunan ölkədir. Cəmi 3 ölkədə nümayəndəliyi var. Nəqliyyat məsələsi də çətindir. Nauruda gecələmək üçün iki otel fəaliyyət göstərsə də, ora getmək üçün tutarlı səbəb tapmaq çətindir.

Pərviz

Oxumağa davam et
Reklam
Reklam

Gündəm