İnanc
Cəhənnəmin ən aşağı mərtəbəsi haradır?
İmam Sadiq (ə) buyurur: "Həqiqətən, münafiqlər atəşin ən alçaq mərtəbəsində yer tutarlar". (Tebyan)
Allah Təala buyurur: "Sonra isə onu rəzillərin ən aşağı
dərəcəsinə qaytardıq (maddi cəhətdən cismi və fikri zəiflik
halında, mənəvi cəhətdən - bütün dəlillər təqdim edilib
tamamlandıqdan sonra - cəhl və bədbəxtlik halında buraxarıq).
Yalnız iman gətirib yaxşı əməllər edənlərdən başqa. Onlar üçün
minnətsiz və saysız-hesabsız bir mükafat vardır". ("Tin" 5-6).
İnsan məxluqların ən şərəflisi olmasına baxmayaraq, yolunu azan
zaman onların ən alçağı və rəzili olur. Bu da insanın əməlindən
asılıdır ki, onu heyvandan da alçaq edər.
həmişə uca dağların kənarında xırda təpələr mövcud olar. İnsanın
istedadları o qədər zəngindir ki, əgər onlardan silah kimi istifadə
etsə, iftixar qalasının ən uca nöqtəsinə çıxar. Lakin əgər bu
istedadları günah yolunda istifadə etsə, ən böyük fəsad yaratmış
olar və ən alçaq səviyyəyə enər.
Cəhənnəmin də cənnət kimi mərtəbələri vardır. Cəhənnəmin ən pis
yeri - cəhənnəm quyusudur. Münafiqlər məhz cəhənnəmin bu pis yerinə
düşərlər. "Şübhəsiz, münafiqlər odun ən aşağı təbəqəsindədirlər və
onlar üçün əsla bir yardımçı tapmayacaqsan". ("Nisa" 145).
Hədislərə nəzər salanda münafiqlərin cəhənnəmdə hansı yerdə
olduğunu müəyyən edə bilərik. Həzrət Peyğəmbər (s) buyurur: "Hər
kim başqasının əleyhinə yalandan şəhadət verər, Qiyamət günü
dilindən asılacaqdır. Münafiqlərlə bir yerdə cəhənnəmin ən aşağı
təbəqəsində olacaqdır".
Həzrət Rəsuli-Əkrəm (s) başqa yerdə buyurur: "Hər kim zənginə dünya
(malına olan) tamahına görə hörmət edər və onu sevər, Allah ona
qəzəblənər. Cəhənnəmin ən alçaq təbəqəsində Qarunla bir dərəcədə
olar".
Həzrət Peyğəmbər (s) buyurur: "Hər kim həyat yoldaşının pis
xasiyyətinə görə səbir edər və təlaq verməz, Allah Təala onunla
olduğu hər gecə və gündüzə görə Həzrət Eyyuba (ə) müsibətlərdə
verdiyi savab qədər savab verər. Həmin pis xasiyyətli qadına isə
hər gecə və gündüz səhrada dağılan qum və çınqılın sayı qədər günah
verər. İtaət etməzdən və ərinin razılığını qazanmazdan əvvəl
ölərsə, Qiyamət günü münafiqlərlə məşhur olar. Onlarla bir yerdə
cəhənnəmin ən aşağı təbəqəsinə süqut edər".
Həzrət Rəsuli-Əkrəm (s) buyurur: "Vay o kəsə ki, mənim Əhli-beytimə
(ə) zülm edər. Onların əzabı münafiqlərlə bir yerdə cəhənnəm
quyusunda olacaqdır".
Bəli, münafiqlər cəhənnəmin ən alçaq təbəqəsinə süqut edən və ən
rəzil insanlardırlar.
deyerler.org
-
Region09:24
Almanlar Ermənistanın Azərbaycan və Türkiyə ilə sərhədində görün nə edirlər - FOTO
-
Nida Xəbər 09:03
Mehriban Əliyevadan İlaxır çərşənbə ilə bağlı paylaşım - FOTO
-
Qoroskop08:34
Pul və sevgidə bəxti gətirəcək 3 BÜRC
-
Nəqliyyat08:22
Bakının bu yollarında tıxac yarandı - SİYAHI
-
Sağlamlıq07:08
Səhər oyanan kimi 5 ədəd qoz yesəniz, görün nələr olacaq...
-
Qoroskop00:34
Günün qoroskopu: axşam saatlarında pul gələcək...
-
İnanc00:01
Bu gün İlaxır çərşənbədir
-
Region18 Mart 22:55
Ərdoğan Putini təbrik etdi