Mətbəx
"Monastır daxması" tortu - Resept
Publika.az-ın mətbəx bölməsi maraqlı görüntüsü və ləziz dadı ilə siz ovsunlayacaq tortun reseptini təqdim edir:
Xəmir üçün inqrediyentlər:
Kərə ya marqarin yağı - 250 qram
Şəkər tozu - 200 qram
Buğda unu - 3-4 stəkan
Qabartma tozu - 1 çay qaşığı
Vanilin - 1 bir çimdik
Xama - 200 qram
Duz - 1 bir çimdik
İç üçün inqrediyentlər:
Giləmeyvə (təzəsi, mürəbbəsi və ya konservləşdirilmiş - 500-600 qram
Nişasta - 1 xörək qaşığı
Kremi üçün inqrediyentlər:
Yağlı və qatı xama - 500-600 qram
Şəkər tozu - 200 qram
Bəzək üçün:
Qoz - 100 qram
Tünd şokolad - 100 qram
Hazırlanması:
Yumşaldılmış kərə yağına şəkər tozu və vanillin əlavə edib çalın, daha sona xama töküb, qarışdırın.
Una qabartma tozu əlavə edib xama və yağla birləşdirin. Xəmir yoğurun. Çox elastik və hamar xəmir alınmalıdır.
Xəmiri 16 bərabər hissəyə bölün. Hər kündəni 20-25 sm uzunluğunda, 8 sm enində açın.
Əgər gilənar təzədirsə və dondurulmuşdursa, gilənarı şəkərlə və nişasta ilə qarışdırın. Əgər mürəbbə və ya konservləşdirilmiş gilənar istifadə edirsinizsə, şəkər əlavə etmək lazım deyil.
Xəmirin ortasına giləmeyvə qoyun və xəmiri yaxşıca bağlayın. Ensiz, rulet formalı olmalıdır.
Bütün ruletlərin eyni formada olmasına diqqət yetirin ki, tortunuz səliqəli görünsün.
Ruletləri 200 dərəcə isidilmiş sobada, yağlı soba kağızının üzərində 15 dəqiqə bişirin.
Bu müddətdə krem hazırlayın. Şəkərlə xamanı qarışdırın.
Tortun hazırlanması xeyli vaxt aparır. Bişmiş ruletlər soyuduqdan sonra onu daxma formasında yığın. Altdan 5 rulet yığın. Sonra 4, 3, 2 və 1 rulet qoyun. Əgər ruletiniz çoxdursa və ya daha böyük tort hazırlamaq istəyirsinizsə, aşağı qata 7, 8 rulet düzə bilərsiniz. Təbii ki, hər növbəti qat özündən əvvəlkindən bir ədəd az olmalıdır.
Hər qata mütləq krem vurun. Sonda üzərinə də krem çəkin.
Üzərini sürtgəcdən keçirilmiş və ya əridilmiş şokoladla, qozla bəzəmək olar. Amma bu tortu tez kəsmək olmaz. Ən azı 6-8 saat gözləmək lazımdır ki, xəmir kremi hopsun və dadlı tort alınsın.
Nuş olsun!
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?
-
Magazin123 Aprel 23:36
Tünzalə imicini dəyişdi - FOTO
-
MDB23 Aprel 23:12
Şoyqunun müavini SAXLANILDI - Külli miqdarda rüşvət alıb
-
İdman23 Aprel 22:48
Son çempion boşanır: uşaqlıqdan başlayan nağıl bitir