Mətbəx
Ağız dadınıza layiq qarağatlı krep
Şirniyyatlardan tamamilə imtina etmək mümkün deyil. Ona görə də, şirniyyat hazırlayarkən, onun tərkibinin sağlamlıq üçün faydalı qidalarla zəngin olmasına diqqət etmək lazımdır.
Publika.az sizin üçün tərkibində həm zülal baxımından zəngin lor pendiri, həm də antioksidantlarla zəngin qarağat olan ləzzətli krep reseptini təqdim edir.
Ağız dadınıza layiq və sağlamlıq üçün faydalı krepi mütləq sınaqdan keçirin.
Tərkibi:
Yarım stəkan lor pendiri
2-3 xörək qaşığı aqave balı (Meksikada yetişən kaktusa oxşar bitkidən hazırlanır. Mağzalarda hazır halda satılır)
Yarım stəkan təzə qara qarağat
Krep üçün:
2 stəkan un
2 ədəd yumurta
1 stəkan su
1 stəkan süd
1 çay qaşığı duz
Bitki yağı
Hazırlanması:
Süd, un və suyu dərin bir qaba töküb yaxşıca çırpın. Sonra yumurtaları da əlavə edib çırpmağa davam edin. Nəticədə keks xəmirindən bir az daha duru xəmir əldə edəcəksiniz.
Tefal tavaya 1 çay qaşığı bitki yağı töküb qızdırın. Xəmirdən 1 çömçə götürüb tavaya tökün. Hər iki üzünü qızardın. Xəmir bitənə qədər prosesi təkrarlayın.
Daha sonra başqa bir qaba lor pendir ilə aqave balını töküb ocağın üzərinə qoyun. Pendir əriyib duru hala gələnə kimi bişirin. Sonra qabı ocaqdan götürüb qarışığın soyumasını gözləyin.
Kreplərin üzərinə 2 xörək qaşığı lor pendirli sousdan əlavə edin. Üzərinə qarağat düzüb krepi ikiyə qatlayın. Artıq süfrəyə verə bilərsiniz.
Nuş olsun!
Ləman Sultan
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı