• USD 1,7339 +0,12% EUR 1,8516 +0,84%
    • GBP 2,1859 +0,79% RUB 0,0272 +0,74%

Narşərabla yeyilən soğan dolması

  • Mətbəx
  • 8 Sentyabr 2015 18:00
  • 367 Baxış
Narşərabla yeyilən soğan dolması

Biz azərbaycanlıların ən çox sevdiyimiz yeməklər arasında dolma ilk üçlükdə yer alır. Kələm, yarpaq, badımcan, bibər, pomidor dolmalarının hər birinin öz ləzzəti var. Bəs soğan dolması necə? Əgər hələ də soğan dolması yeməmisinizsə, deməli, çox şey itirmisiniz.

Publika.az dadlı soğan dolması reseptini təqdim edir:

Tərkibi:

7 ədəd soğan (orta böyüklükdə)

Yarım kq. çəkilmiş ət

2 qaşıq tomat

1 qaşıq bibər pastası

2 stəkan düyü

İstiot, duz, kimyon, pul bibər

Yarım dəstə cəfəri

Yarım dəstə nanə

1 ədəd pomidor

Kərə yağı

Narşərab

Hazırlanması:

Soğanları soyub 40-45 dəqiqə bişirin. Həmin vaxt dolmanın içini hazırlayın. Bunun üçün narşərab və kərə yağından başqa yuxarıda sadalananların hamısını qarışdırın. Bişmiş soğanların alt hissəsini kəsib içini qaşıqla boşaldın. Hazırladığınız qarışığı soğanların içinə doldurun. Qazana düzdüyünüz hər dolmanın üzərinə bir qədər kərəyağı əlavə edib kəsdiyiniz hissəni soğanın üstünə qoyun. Qazana dolmaların üstünü örtəcək qədər su tökün və bişirin.

25 dəqiqə sonra dolmanız hazır olacaq. Süfrəyə narşərabla verə bilərsiniz.

Nuş olsun!

Ləman Sultan

Xəbər lenti

DAHA ÇOX XƏBƏR