Nəticəsindən məmnun qalacağınız 4 biskvit resepti
Bizi izləyin

Mətbəx

Nəticəsindən məmnun qalacağınız 4 biskvit resepti

Çox vaxt xanımlarımız bişirdikləri biskvitin yetərincə şişmədiyinə görə şikayət edirlər.

Publika.az nəticəsindən məmnun qalacağınız 4 biskvit reseptini sizinlə bölüşür. Diqqətinizə çatıraq ki, bu reseptlər məşhur dünya qənnadıçılarına məxsusdur.

I Qayda

4 ədəd yumurta

150 qr şəkər tozu

150 qr un

1 x/q qabartma tozu

Yumurtaları və şəkər tozunu bir qaba tökürük. Su hamamında daim qarışdıraraq kütləni əridirik. Şəkər tozu tam əridikdən sonra, qarışımı su hamamından götürüb, mikserin maksimal sürətində 10 dəqiqə çalırıq. Kütlənin üzərinə ələkdən keçirilmiş un və qabartma tozunu yavaş-yavaş əlavə edirik. Taxta qaşıqla aşağıdan yuxarı doğru qarışdırırıq. Öncədən 180 dərəcə isidilmiş sobada 25-30 dəqiqə bişiririk. Biskvitin hazır olub-olmadığını çöplə deyil əlimizlə yoxlayırıq. Sobanın qapağını açanda bu biskvit aşağı çökmür. Odur ki Əlimizlə yavaşca üzərinə basırıq. Əgər süngər kimi geri qayıdırsa, demək biskvit hazırdır. Bu üsulla hazırlanmış biskviri ortadan eninə iki və ya üç hissəyə bölüb, arasını kremləyib, tort hazırlamaq olar.

Похожее изображение

II Qayda

4 ədəd otaq temperaturunda yumurta

150 qr şəkər tozu

100 qr un

100 qr kartof nişastası

1 ç/q qabartma tozu

80 qr kərə yağı

1 çimdik vanil

Yumurtaları şəkər tozu ilə 3 qatına qalxanadək mikserlə çalırıq. Bu müddət ərzində kərə yağını ocaqda əridib, soyuduruq. Mikserlə qaışdırdığımız kütləyə vanil əlavə edirik. Un, nişasta və qabartma tozunu da ələyib, yumurtalı qarışıma ehtiyatla tökürük. Aşağıdan yuxarı doğru taxta qaşıqla qarışdırırıq. Üzərinə ilıqlanmış yağı əlavə edib, qarışdırmağa davam edirik. Biskvit qəlibinin dibini azca yağlayıb, un səpirik. İçərisinə xəmiri töküb, 180 dərəcə isidilmiş sobada təxmini 40 dəqiqə bişiririk. Bu biskviti həm soyudub, üzərinə şəkər kirşanı səpərək, həm də kəsib arasını kremləyərək süfrəyə verə bilərsiniz.

Похожее изображение

III Qayda

5 ədəd yumurta

165 qr şəkər tozu

130 qr un

50 qr kartof nişastası

Yumurtaların ağını sarısından ayırırıq. Ağını 2 qatına çıxanadək mikserlə çalırıq. Tədricən üzərinə şəkər tozu töküb, çalmağa davam edirik. Mikseri saxlamadan yumurtanın sarısını da bir-bir qarışıma tökürük. Kənarda un və nişastanı birgə ələkdən keçiririk. Yavaş-yavaş qarışıma töküb, mikserin aşağı sürətində qarışdırırıq. Biskvit qəlibinin dibinə yağlı kağız qoyub, üzərinə xəmiri tökürük. 160 dərəcə isidilmiş sobada 45 dəqiqə bişirdikdən sonra qəlibi sobadan çıxarıb, soyuduruq. Sonra qəlibin kənarını ehtiyatla açıb, biskviti çıxardırıq.

Картинки по запросу biskvit

IV Qayda

1 qab qatılaşdırılmış süd

4 ədəd yumurta

120 qr un ( 8 x/q)

50 qr əridilmiş kərə yağı

yarım ç/q soda

Yumurtaları yumşaldılmış yağ və qatılaşdırılmış südlə mikser vasitəsilə çalırıq. Üzərinə ələkdən keçirilmiş un və sodanı töküb, qarışdırmağa davam edirik. Biskviti 180 dərəcə isidilmiş sobada 25 dəqiqə bişiririk.

NUŞ OLSUN!

Leyla Sarabi

Oxumağa davam et
Reklam
Reklam

Gündəm