• USD 1,7008 0,00% EUR 2,0035 +0,31%
    • GBP 2,1952 +0,27% RUB 0,0286 +0,70%

Məşhur idmançı: “Ən yaxın dostlarımdan birinin Bakıda restoranı var” - MÜSAHİBƏ

Məşhur idmançı: “Ən yaxın dostlarımdan birinin Bakıda restoranı var” - MÜSAHİBƏ

"Haas-F1" komandasının üzvü Romen Qrojan Bakı Şəhər Halqasının Əməliyyat Komitəsinin mətbuat xidmətinə müsahibə verib.

Publika.az 30 yaşlı pilotun müsahibəsini təqdim edir:

- Bakı Şəhər Halqasının quruluşu haqqında nə düşünürsüz? Komandanın simulyatorunda onu artıq sınaqdan keçirmisizmi?

- Simulyatorda bu treki artıq sınaqdan keçirmişəm. Bu trek çox uzun düzlüklərdən, 90 dərəcəlik bucağa malik döngələrdən, daha sonra isə qalaya doğru yaxınlaşan hissədə dar keçiddən ibarətdi. Yarışı səbirsizliklə gözləyirəm. Trek, həqiqətən də, çox mənzərəli görünür.

- Bakı və Azərbaycan haqqında hansı məlumatlara maliksiz?

- Təkcə onu bilirəm ki, ən yaxın dostlarımdan birinin - baş aşpaz Akranın Bakıda "Atelier Vivanda" adlı restoranı var. Biz yarış keçirilən həftəsonu ərzində mütləq steykin dadına baxacağıq.

- Builki mövsümdə öz iştirakınız barədə nə deyə bilərsiz?

- Mövsümün başlanğıcı kifayət qədər maraqlı oldu. Avstraliya və Bəhreyn yarışlarından sonra müəyyən çətinliklərlə üzləşdik, lakin buna baxmayaraq, biz öyrənməyə və inkişaf etməyə davam edirik. Komandamızda hər kəs böyük əzmlə çalışır, ona görə də qarşıdakı yarışlarda daha yaxşı göstəricilərə nail olacağımızdan əminəm.

- Yeni ölkəyə və ya yeni trekə gəldikdən sonra ilk olaraq nə edirsiz?

- Əslində, yeni ölkəyə yarışa gəlmək hər zaman çətindir, çünki hava limanına çatdıqdan sonra dərhal otelə, daha sonra isə, bir qayda olaraq, birbaşa trekə yollanırıq. Həftənin cümə axşamı media üçün tədbir, cümədən bazar gününədək trekdə sessiyalar nəzərdə tutulduğu üçün ətrafla tanış olmaq imkanımız olmur. Ümid edirəm ki, qrafikimiz sıx olsa da, Bakını gəzməyə vaxt tapacam.

- Bir Formula-1 maşını, bir komanda yoldaşı və erası seçməli olsaz, hansıları seçərdiz?

- Mən Formula-1 erasının 1990-cı illərin ortasında olan mövsümlərini daha çox xoşlayıram. Həmin dövrün Uilliams bolidləri ən çox sevdiyim maşınlar idi. Komanda yoldaşına gəldiksə isə, yəqin ki, Jül Byankini seçərdim.

- Yarışsız həyatınızı necə təsəvvür edirsiz?

- Yarışlar olmasa, yəqin ki, aerodinamika mühəndisi olardım.

- Bu il ərzində oxuduğunuz son kitab hansı olub?

- Mütaliə etdiyim sonuncu kitab Aki Hintsanın "Qələbənin Anatomiyası"dır.

- İlk "üçlük"də olan ən son musiqi albomlarının adını çəkə bilərsizmi?

- Mənim aldığım son musiqi albomları Lukas Qraham və Castin Biberin diskləridir.

- Baxmaq istədiyiniz film hansıdır?

- Səfərdə olarkən, adətən, təyyarədə bir çox filmləri izləyirəm, odur ki, adlarını çəksəm, siyahı uzun olar.

- Azərbaycandakı azarkeşlərinizə nə demək istərdiz?

- Mən ilk dəfə Bakıya səfər edəcəyimə və bu ölkə ilə tanış olacağıma görə çox şadam. Belə fərqli quruluşa malik bir trekdə yaxşı çıxış edəcəyimə ümid bəsləyirəm.

Загрузка...

Xəbər lenti

DAHA ÇOX XƏBƏR