Bu avtobusların hərəkət istiqaməti dəyişdi
Bizi izləyin

Nəqliyyat

Bu avtobusların hərəkət istiqaməti dəyişdi

11, 38 və 71 nömrəli marşrut xətləri üzrə avtobusların hərəkət sxemi dəyişib.

Bakı Nəqliyyat Agentliyindən Publika.az-a verilən məlumata görə, dəyişiklik vətəndaşların çoxsaylı müraciəti və qurumun xüsusi monitorinq qrupu tərəfindən hərtərəfli təhlil ediləndən sonra qəbul edilib.

“Nəticədə, hər üç marşrut xətti üzrə avtobusların hərəkət sxemində müəyyən dəyişikliklərin edilməsi məqsədəuyğun hesab edilib. Nəzərdə tutulan dəyişikliklərin sərnişinlərin rahatlığı baxımından səmərəli olmasını müəyyənləşdirmək məqsədi ilə 11, 38 və 71 nömrəli marşrut xətti üzrə avtobuslar 24.06.2017 tarixindən bir həftə müddətində sınaq rejimində yeni sxem əsasında hərəkət edəcək”.

11 nömrəli marşrut xətti üzrə:

• Bu marşrut xətti üzrə avtobuslar Əhməd Rəcəbli və Ağa Neymətulla küçələrindən keçməklə Heydər Əliyev prospektinə, oradan isə Xətai prospekti istiqamətində hərəkət edəcək. Əks istiqamətdə isə avtobuslar Əhməd bəy Ağaoğlu və Təbriz küçələrindən keçməklə, Əhməd Rəcəbli küçəsi istiqamətində hərəkət edəcək.

38 nömrəli marşrut xətti üzrə:

• Bu marşrut xətti üzrə avtobuslar Keşlə qəsəbəsindən gələrkən Heydər Əliyev prospekti, Müzəffər Nərimanov, Xəlil Rza Ulutürk küçələrindən keçməkləç Koroğlu Nəqliyyat Mübadilə Mərkəzinə daxil olacaq.

71 nömrəli marşrut xətti üzrə:

• Metronun “Azadlıq prospekti” stansiyasından “Baksol yolu” adlanan əraziyə gələn 71 nömrəli marşrut xətti üzrə avtobuslar İslam Abışov və Ələsgər Qayıbov küçələrindən keçməklə Koroğlu metrostansiyasına hərəkət edəcək.

Oxumağa davam et
Reklam
Reklam

Gündəm