Nida.az
Bakının növbəti manevri: Rusiya və Çin birliyi Azərbaycana nə verəcək?
Şanxay Əməkdaşlıq Təşkilatının (ŞƏT) dünən Rusiyanın Ufa şəhərində keçirilən toplantısında Azərbaycana tərəfdaş dövlət statusu verildi.
Publika.az bunun ölkəmizə təsirləri ilə bağlı siyasi ekspertlərin
fikirlərini təqdim edir.
Sabiq təhlükəsizlik zabiti, “Trend” informasiya agentliyinin
eksperti Arzu Nağıyev hesab edir ki, ŞƏT-in əsas hədəfi
təhlükəsizlikdir: “Vaxtilə bu təşkilat Qazaxıstan, Qırğızıstan,
Çin, Rusiya, Tacikistan və Özbəkistan arasında hərbi sahədə
münasibətlərin möhkəmləndirilməsi üçün yaradıldı. Bu təşkilatın
hərbi blok olmadığını desələr də, hədəfi təhlükəsizlik, həmçinin,
terrorizm, separatizm, ekstremizm və narkoticarətə qarşı mübarizədə
iştirakçı dövlətlərin birgə hərəkət etməsidir. Bəzi fikirlərə görə
Çin və Rusiyanın burada öz maraqları var. Çin iştirakçı ölkələrə
perspektivli satış bazarı kimi, Rusiya isə hərbi əməkdaşlıq olaraq
baxır”.
Ekspert hesab edir ki, belə bölgü olan təşkilatda Azərbaycanın
xeyirlərini müəyyən etmək çətindir: “Müşahidəçi və tərəfdaş kimi
bizim ölkə terrorizm, ekstremizm və narkoticarətə qarşı mübarizədə
iştirak edə bilər. Lakin iqtisadi planda öz resurslarının satış
bazarlarını genişləndirmək və problemlərin birgə həlli çətin
məsələdir. Qeyd etməliyik ki, Çin yaxın vaxtlarda vahid ticarət
zonası yaratmaq istəyir. Lakin bu Azərbaycanın tamamilə başqa
planları və perspektivləri var”.
A. Nağıyevin fikrincə, buna görə də Azərbaycan ŞƏT-də inteqrasiya
yolunu seçməyəcək və yalnız tərəfdaş statusda qalmağa üstünlük
verəcək.
“Bu təşkilat hazırda yalnız maraqlar klubu kimi mövcuddur və real
nəticələri görünmür. Ona görə də Qərb və ABŞ blokuna qarşı olan bu
anti-Amerika təşkilatında Azərbaycanın inteqrasiyası çətin və
əlverişsiz olacaq. Digər tərəfdən, ŞƏT-in əsas ölkələrindən olan
Rusiya yalnız enerji və nəqliyyat dəhlizləri üçün Azərbaycanı bu
təşkilatda görmək istəyir”, - deyə ekspert vurğulayıb.
Bakı Banklararası Valyuta Birjasının (BBVB) rəhbəri Fərhad
Əmirbəyov də Rusiya KİV-nə açıqlamasında Azərbaycanın ŞƏT-də uzun
müddət tərəfdaş dövlət statusunda təmsil olunacağını bildirib:
“İnteqrasiya haqda faktiki danışıqlar yoxdur. Əməkdaşlığın bu
forması müsbətdir, lakin gələcəkdə əlaqələrin dərinləşməsi haqda
danışmaq çətindir”.
Asif Nərimanlı
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ