Nida.az
Rusiyalı biznesmen Qarabağ qızılına göz dikdi!
Azərbaycan qanunlarını pozaraq, icazə olmadan Qarabağa köçən rusiyalı biznesmen German Sterliqov bu gün Şuşada mətbuat konfransı keçirib.
Publika.az “İnterfaks” agentliyinə istinadən xəbər verir ki, biznesmen mətbuat konfransında “Dağlıq Qarabağ Respublikası”nın (“DXR”) inkişaf planını təqdim edib.
O, xüsusi olaraq “DQR”də qızıl və gümüş dramları dövriyyəyə daxil etməyi, həmçinin buranı dünyanın ilk “ekoloji offşor” bölgəsi elan etməyi təklif edib: “Qarabağda bu layihənin reallaşdırılması üçün üç zəruri şərt var. Birincisi, qızılın mövcudluğudur. İkincisi “DQR” tanınmamış respublikadır, ona görə də ABŞ Federal Ehtiyatlar Sistemi və beynəlxalq bankirlərin hər hansı qaydalarına tabe deyil. Digər tərəfdən, erməni diasporu qızıl və gümüş dramından daxili hesablaşmalar üçün istifadə edə biləcəklər”.
Rusiyalı sahibkarın fikrincə, “DQR”in rəhbərləri üç fərman verə bilərdilər. Onun sözlərinə görə, Qarabağda plastik paketlər və butulkaların satışı qadağan edilməli, kimyəvi yuyucu maddələrdən təbii yuyucu maddələrlə əvəz olunmalı və kimyəvi maddələrdən istifadə qadağan olunmalıdır. O, “ekoloji offşor” zonasının necə işləyəcəyini dəqiqləşdirməyib. Sterlinqov həmçinin Rusiyaya ərzaq məhsullarının ixracının artırılmasını təklif edib. “Rusiya-Qarabağ ticarət evi yaratmaq və yalnız ekoloji təmiz məhsullar göndərmək lazımdır”- rusiyalı biznesmen vurğulayıb.
Qeyd edək ki, biznesmenin Dağlıq Qarabağa köçməsi haqqında informasiya 6 iyulda yayılıb. Biznesmenin sözlərinə görə, onun ailəsinin ünvanına olan təhlükə Qarabağa köçməsinin səbəbidir. KİV-in məlumatına görə, Sterlinqov Rusiya ərazisini tərk etməzdən əvvəl, fermer təsərrüfatındakı heyvanları və şəxsi avtoparkı satışa çıxarıb.
Rusiya prezidenti Vladimir Putini dəstəklədiyini deyən biznesmen qeyd edib ki, hər şey “Adəmdən Putinə qədər” tarix kitabının nəşrindən sonra dəyişib. O, bu kitabının nəşrindən sonra hakimiyyətdəki dostlarının ona münasibətinin dəyişdiyini, ondan üz döndərdiklərini deyib. Sterlinqov nəhayət etiraf edib ki, Rusiyadan qaçmasına səbəb onun barəsində aparılan cinayət təqibləridir. “Əvvəlcə mənim ünvanıma təhdidlər başladı, uşağımı oğurlamağa cəhd etdilər. Ancaq bunlar xırda hücumlar idi” – biznesmen bildirib.
Rusiyaya qayıdacağını açıqlayan Sterlinqov təyyarə biletini jurnalistlərə göstərib. O, ədalətdən gizlənmədiyini, Rusiyaya qayıdandan sonra həbs olunmasa, Qarabağa qayıdaraq moda evi və müalicə məntəqəsi açacağını, kənd təsərrüfatı ilə məşğul olacağını dilə gətirib.
Ömər Dağlı
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama
-
Magazin117 Aprel 20:58
İş adamı Manaf Ağayevə ev bağışlayıb? - Özü danışdı
-
Nəqliyyat17 Aprel 19:40
Baş nazir elektrik mühərrikli avtomobillərlə bağlı iclas keçirdi - FOTO
-
Dünya17 Aprel 18:47
Rusiya Çerniqovu vurdu: çoxlu sayda ölü və yaralı var