Nida.az
“Nurçular hakimiyyəti ələ keçirmək istəyir” - MÖVQE
YAP icra katibinin müavini, Milli Məclisin Müdafiə və Təhlükəsizlik
Komitəsinin üzvü Siyavuş Novruzov Publika.Az -a müsahibəsində terrorçuluğa qarşı
mübarizənin gücləndirilməsini şərh edir.
“Orda döyüşən insan qayıtdıqdan sonra öyrəndiklərini
burda tətbiq etməyə çalışacaq”
-“Terrorçuluğa qarşı mübarizə haqqında” qanun
sərtləşdirilir. Buna nə ehtiyac yaratdı?
-Dünyanın bütün demokratik dövlətləri və qüvvələri terrorçuluğa
qarşı mübarizəni gücləndirir. Dünyada terror getdikcə artır. Həll
olunmayan müxtəlif konfliktlər olan və nəzarətsiz ərazilərdə belə
hallar çoxalır. O cümədən, münaqişə ocaqlarında hər gün
partlayışlar, terror aktlarının şahidi oluruq. Azərbaycan
bilavasitə terrordan əziyyət çəkən ölkə kimi bundan qabaq da
terrorun maliyyələşdirilməsi ilə bağlı konvensiyaya qoşulub. İndi
də bu haqda qanunu sərtləşdirdik.
Son zamanlar da Azərbaycandan insanları yoldan çıxardıb ayrı-ayrı ölkələrə müxtəlif adlar altında aparırlar. Onlar ayrı-ayrı yerlərdə özlərinə aid olmayan müharibələrdə döyüşür, müxtəlif qruplaşmalara qoşulurlar. Bunun da acınacaqlı nəticələri olur. Çünki onların ordan nə vaxtsa qayıtmaqları da var. Orda döyüşən insan qayıtdıqdan sonra öyrəndiklərini burda tətbiq etməyə çalışacaq.
Hazırda Azərbaycan Ermənistanla müharibə şəraitdədir. Dağlıq
Qarabağ nəzarətsiz ərazidir. Ora Azərbaycan ərazisidir, lakin
təəssüf ki, ora nəzarət etmək imkanlarımız məhduddur. Orda faktiki
olaraq, terrorçu qruplar hazırlanır, təlim keçir. Bütün bunlara
görə, qanunu sərtləşdirdik, cəzaların müddətini artırdıq. İşğal
olunmuş ərazilərimizlə bağlı da gələcəkdə bunun tətbiq olunması
vacib şərtlərdəndir.
“Dini təriqətlərin məqsədi radikal addımların
atılmasıdırsa, bu, qanun çərçivəsində tənzimlənəcək”
-Radikal dini təriqətlərlə bağlı da məsələlər layihədə öz
əksini tapıb?
-Bəli. Əgər dini təriqətlərin məqsədi, ideyası hansısa radikal
addımların atılmasıdırsa, bu, qanun çərçivəsində tənzimlənəcək.
Azərbaycan tolerant ölkədir, ölkədə dini azadlıq konstutision
hüquqla tənzimlənir. Müxtəlif təxribatçı cərəyanları çıxmaq şərti
ilə bütün dini icmalar, təriqətlər açıq şəkildə fəaliyyət
göstərirlər. Seçim də insanların özlərinindir. Heç kəsə qadağa
qoyma bilmərik ki, sən bunu yox onu seç. Amma dindən hansısa
terror, təxribat yolunda qanunların pozulmasında istifadə
olunacaqsa, qəti şəkildə qarşısı alınacaq.
-Son zamanlar nurçuluğun ölkə üçün təhlükəli tərəfləri
haqqında danışılır. Bu məsələ nurçuluğa qarşı da tətbiq oluna
bilərmi?
-Nurçuluq tamam başqa şeydir, bunun ona aidiyyəti yoxdur.
Nurçuluğun fəlsəfəsində radikalizm yoxdur. Təbii ki, onların ali
məqsədi hakimiyyətə daxil olmaq, hakimiyyət qollarında yer tutmaq,
təkamül yolu ilə bu prosesi həyata keçirmək istəyirlər. Necə ki,
başqa dövlətlər hakimiyyətləri ələ almaq istəyir, onların da dini
cərəyan olmaqla yanaşı, həm də hakimiyyəti ələ keçirmək istəyir,
onlarda bu arzu var. Lakin Azərbaycan üçün bunun təhlükəsi yoxdur.
Ola bilər ki, 5-10 adam buna qoşulsun. Amma bir çox ölkələrdən
fərqli olaraq, din Azərbaycanda istər Sovet vaxtı, istərsə ondan
sonra azad olub, dini etiqadın həyata keçirilməsi, ibadətlərin
edilməsi çox demokratik və düzgün şəkildə olub. Çünki
azərbaycanlılar ibadətlərini elmli formada həyata keçirirlər.
Başqaları isə din adı altında başqa məqsədlərə nail olmaq üçün
edirlər ki, bu da normal qarşılanmır və hardasa özünü göstərir.
“Maarifləndirmə nağıllar, şaiyələrlə deyil, elmlə
aparılmalıdır”
-Ola bilsin ki, dediyimiz dini təriqətlər Azərbaycan üçün
hələki təhlükəli görünməyə bilər. Lakin bir müddət sonra bunun baş
verməsi ehtimalı da yüksəkdir. İndidən buna qarşı hansı addımlar
atılmalıdır?
-Bunun qarşısı almaq üçün bir neçə məsələ həyata
keçirilməlidir.Birincisi maarifləndirmədir. Daha nağıllar,
şaiyələr, rəvayətlərlə deyil, birbaşa elmlə, tarixlə belə
cərəyanların məqsədi, məramı açıqlanmalı, maarifləndirmə
aparılmalıdır. O cərəyanlara qoşunlar ya düzgün olmayan informasiya
nəticəsində bunu edir, ya da şirnikləndirmə ilə. Bütün hallarda da
bunun arxasında siyasət dayanır.
İkincisi, qanunlardır. Din haqqında da qanunumuz var. Həmin qanunun müddəaları tətbiq olunmalıdır. Harda qanun pozulubsa, harda qanuna zidd hərəkət edilirsə, mütləq qarşısı alınmalıdır.
Bu gün bizim Qarabağ problemimiz ola-ola yüzlərlə insanımız
Suriyada döyüşür, həlak olur. Bu, həm dini baxımdan düzgün deyil.
Çünki guya orda döyüşənlər cənnətə düşəcək kimi uydurmalar
danışırlar. Eyni zamanda, şəriət baxımından, insani və
vətənpərvərlik baxımından da düzgün deyil. Kim bununla məşğul
olursa, o artıq Cinayət Məcəlləsinin müvafiq maddəsi ilə məsuliyyət
daşıyır.
-Qanun layihəsi Milli Məclisin növbəti iclasında qəbul
oluna bilərmi?
-Hesab edirəm ki, bu qanun layihəsinə deputata həmkarlarım səs
verəcək və elə birinci oxunuşda da qəbul olunacaq.
Asif Nərimanlı
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama
-
Magazin117 Aprel 20:58
İş adamı Manaf Ağayevə ev bağışlayıb? - Özü danışdı
-
Nəqliyyat17 Aprel 19:40
Baş nazir elektrik mühərrikli avtomobillərlə bağlı iclas keçirdi - FOTO