Nida.az
Leninin davamçıları Azərbaycanda mandat davasına çıxdı
Azərbaycan kommunistləri arasında deputatlıq uğrunda mübarizə qızışıb.
Publika.az xəbər verir ki, kommunistlərin Məzəddin Əyyubov adlı nümayəndəsi
“Facebook” sosial şəbəkəsində iddia edib ki, Azərbaycan Kommunist
Partiyasının (AKP) sədri Rauf Qurbanov və Azərbaycan Mütərəqqi
Sosialist Partiyasının (AMSP) sədri Gülnisə Məhsimova deputat
mandatı uğrunda savaşa başlayıb.
Onun iddiasına görə, hər iki şəxs Rusiya Federasiyası Kommunist
Partiyasının sədri Gennadi Züqanovun vasitəsi ilə deputat seçilmək
niyyətindədirlər. Bütün mübarizə də bununla bağlıdır:
“Siyasi nəzəriyyədən uzaq olan Gülnisə Məhsimovanın praktik siyasi
proseslərdən də başı çıxmır. Bununla belə o, partiya sədrliyi
iddiasındadır, öz məhdud imkan və qabiliyyətini mütləqləşdirməklə
siyasi avantürizmdən belə çəkinmir.
Eyni sözləri Gülnisə Məhsimovanın tərəf müqabili Rauf Qurbanov haqqında da demək olar. Onlar üçün siyasi etika, siyasi mədəniyyət anlayışı yoxdur. Bu iki naşı, dayaz siyasətçi deputat olmaq niyyəti ilə özlərini Züqanovun Azərbaycanda sadiq adamları kimi ictimaiyyətə sırımaqdan ötrü dəridən-qabıqdan çıxırlarsa, bu eybəcərliyin adi rüsvayçılıqdan başqa bir şey adlana bilinməz. Bu iki şəxsin vəzifə, deputatlıq uğrunda davalarını Azərbaycan Kommunist Partiyasının adına yazmaqla, partiyanı nüfuzdan salmağa çalışırlar”, - deyə o iddiasında bildirib.
Kommunist Partiyasının sədri Rauf Qurbanov Publika.az-a açıqlamasında bildirib ki, sözügedən fikirlər ona qarşı başlanan qarayaxma kampaniyasının tərkib hissəsidir. Onun sözlərinə görə, seçkilərin taleyini seçici həll edir: “Məzəddin Əyyubovu ziyalı insan kimi qəbul edirəm, onun bəyanatından təəssüf hissi keçirirəm. Bu, seçkiöncəsi mənim ünvanıma yönəldilmiş təxribatdır. Əyyubov 1 il bundan öncə AKP sıralarına qəbul olunmaq üçün mənə müraciət etmişdi. Partiya mövqeyini bildirdik, dedik ki, partiya sıralarına qəbul olunmaq üçün birinci növbədə ərizə yazılmalıdır. Həmin yoldaş da çox iddialı çıxış etdi. Söylədi ki, mənə partiya bileti, vəzifə vermək lazımdır. Dediklərinin heç birini də icra etmədi. Məzəddin Əyyubov da daxil olmaqla Telman Nurullayev, Gülnisə Məhsimova kimi insanlar ictimaiyyət tərəfindən tanınmır. Onları gücü ancaq “Facebook” sosial şəbəkəsində şər - böhtanla məşğul olmağa çatır. Dünən Gülnisə xanımla dostluq münasibətində idi, partiyaya daxil olmaq üçün mənə müraciət edirdi, bu gün isə haqqımızda şər-böhtan dolu bəyanat yayır. Başımı bu təxribatla qatmağa cəhd göstərir”.
O, sözügedən bəyanata əhəmiyyət vermədiyini bildirib.
“Özü olmayan bir qurumun sıralarındadır. O, Telman Nurullayevin
rəhbərlik etdiyi dırnaqarası qrupda Mərkəzi Komitənin katibidir. 1
günün içində partiya bileti aldı, növbəti günü onu Komitənin katibi
təyin etdilər. Bu adamlar avantüra ilə məşğuldur. Özünə hörmət edən
insan bu cür şeylərlə məşğul olmaz. Telefonda mənə zəng edib deyir
ki, sənin ən yaxın adamın, dostunam. Onu indi nə təhrik edir ki,
belə bəyanat yayır? Bu insanın xisləti nədən ibarətdir? Biz öz
hesabımıza maliyyələşən partiyayıq. Könüllü yardımların hesabına
büdcəmiz formalaşır. AKP rəsmi olaraq qeydiyyatdan keçib. İqtidarla
keçirilən dialoqa, Mərkəzi Seçki Komissiyasının tədbirlərinə dəvət
olunuruq. Hökumət də yaxşı məlumatlıdır ki, Kommunist Partiyası
hansı partiyadır və onun sədri kimdir”, - deyə R. Qurbanov
bildirib.
Kommunistlərin digər qolu olan AMSP sədri Gülnisə Məhsimova das
Publika.az-a açıqlamasında Məzəddin Əyyubovun mövqeyini qərəzli
mövqe adlandırıb: “Əsası olmayan ittihamlarla dolu olan bu yazının
müəllifi Sergey Mozqovoy adlı birisinin “Sovet İttifaqı Kommunist
Partiyası (SovİKP)” adlı bir qurumunun “Siyasi Bürosunun” üzvü olan
Telman Nurullayevin rəhbərlik etdiyi qrupun Mərkəzi Komitəsinin
katibi Məzəddin Eyyubovdur. Bu şəxs 2014-cü ildə birdən-birə peyda
olub və dərhal Telman Nurullayevin qrupunda MK-ya katib seçilib.
Bundan sonra o, bu qrupun “ideoloqu” rolunda çıxış edərək bütün
kommunistləri birləşdirməyi guya qarşısına məqsəd qoyub. Bu
məqsədlə bizimlə də görüşüb. Görüş ərzində yalnız özünü
tərifləməklə məşğul idi. O, şəxsən məndən xahiş edirdi ki,
iclaslarımıza və səfərlərə onu dəvət edim. Əlbəttə ki, onun
danışıqları sübut edirdi ki, o, kommunistlər arasına xüsusi olaraq
göndərilib və onun hansı məzhəbə qulluq etdiyini düşünmək o qədər
də çətin deyildi. Bu şəxs eyni zamanda Ələsgər Xəlilov və Rauf
Qurbanovun da yanında olub”.
Onun sözlərinə görə, kommunistlər onu qəbul etmədiyindən çıxış
yolunu onlara qara yaxmaqda görür.
“Milli Məclisə seçkilər yaxınlaşdıqca bu hücumlar daha da
kəskinləşir. Nə Rusiyada, nə də Azərbaycanda heç kəs tərəfindən
tanınmayan və nüfuzu olmayan S. Mozqovoyun ətəyindən yapışanlar
ciddi-cəhdlə Züqanovun və onunla əməkdaşlıq edən qüvvələrin
fəaliyyətinə qara yaxmaqla məşğuldur. Çünki bu yolla gündəmdə
qalmağa çalışırlar. Züqanovun adını hallandırmağa son qoyun. O,
sizin səviyyənizə enə bilməz və Azərbaycanda gedən proseslərə
qətiyyən müdaxilə etmir. Biz Züqanovu dünya kommunist hərəkatının
lideri kimi qəbul edirik və onun rəhbərlik etdiyi RFKP ilə
əməkdaşlıqdan qürur duyuruq. Kommunistlərin etimad göstərdiyi qadın
kommunistə qarşı kişilikdən uzaq qarayaxmalarla məşğul olurlar”, -
deyə G. Məhsimova bildirib.
Asif Nərimanlı
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!