• USD 1,8045 0,00% EUR 1,9302 +0,52%
    • GBP 2,2269 +2,13% RUB 0,0304 +0,66%

General ordudan çıxarılmasından danışdı

  • Nida.az
  • 12 Mart 2014 12:04
  • 2 735 Baxış
General ordudan çıxarılmasından danışdı


Azərbaycan Silahlı Qüvvələrinin sıralarından təxris olunan Müdafiə Nazirliyinin Hərbi Tibb İdarəsinin sabiq rəisi, tibb xidməti general-mayoru Dağlar Abdullayev ordudan çıxarılmağından danışıb. General-mayor Publika.Az -a açıqlamasında təxris olunduğunu təsdiqləyib. Lakin, o, Müdafiə Nazirliyinin icazəsi olmadan danışmaq istəmədiyini deyib: “Bu barədə mən indi danışa bilmərəm. Ən yaxşısı, nazirliklə məsləhətləşin, sonra mənə müraciət edin. İndi danışmağım doğru olmaz”.

Qeyd edək ki, müdafiə naziri Zakir Həsənovun əmri ilə Müdafiə Nazirliyində çalışmış 7 general - sabiq müdafiə naziri, general-polkovnik Səfər Əbiyev, Silahlı Qüvvələr Baş Qərargahının Təşkilat-Səfərbərlik İdarəsinin sabiq rəisi, general-leytenant Yaşar Aydəmirov, Müdafiə Nazirliyi Baş İnspeksiyasının rəisi, general-mayor Məmməd Beydullayev, Rabitə İdarəsinin rəisi, general-mayor Fazil Aşumov, Müdafiə Nazirliyinin Arxa Cəbhə İdarəsinin rəisi, general-mayor Piri İsrafilov, Nazirliyin Hərbi Təhsil və Təlim İdarəsində çalışan general-mayor Elman Qənbərov (keçmiş xüsusi idarə rəisi) və Müdafiə Nazirliyinin Hərbi Tibb İdarəsinin sabiq rəisi, tibb xidməti general-mayoru Dağlar Abdullayev Silahlı Qüvvələrin sıralarından azad olunub.

Asif

Xəbər lenti

DAHA ÇOX XƏBƏR