XİN: Fələstin Ermənistanda səfirlik açmaq niyyətində deyil
Bizi izləyin

Nida.az

XİN: Fələstin Ermənistanda səfirlik açmaq niyyətində deyil

“Fələstinin Bakıdakı Səfirliyi bu dövlətin Ermənistanda səfirlik açmaq niyyətində olmadığını bildirir və Ermənistan mətbuatında gedən yazıları qətiyyətlə təkzib edir”.

Xarici İşlər Nazirliyindən Publika.az-a daxil olan məlumata görə, bunu XİN-in mətbuat xidmətinin rəhbəri Hikmət Hacıyev Fələstinin Ermənistanda səfirlik açmaq niyyəti ilə bağlı Ermənistan mətbuatında gedən məqaləyə münasibət bildirərkən qeyd edib.

Hikmət Hacıyev bildirib: “Fələstin Dövlətinin Bakıdakı Səfirliyi Xarici İşlər Nazirliyinə nota ilə müraciət edərək Ermənistanın “Zhamanak Daily” xəbər agentliyinin Fələstinin Böyük Britaniyadakı erməni əsilli səfirinin “East Magazine”nə (Vostok) verdiyi müsahibəsinə istinadən yaxın gələcəkdə İrəvanda Fələstin səfirliyinin açılacağı barəsində yaydığı xəbərinin yalan olduğunu bildirib.

Notada qeyd olunur ki, bu xəbər “Zhamanak Daily” və ona istinadən Azərbaycanın bəzi xəbər portallarında çıxan zaman Fələstin Dövlətinin Bakıdakı Səfirliyi Fələstin Prezident Administrasiyası və Xarici İşlər Nazirliyi ilə əlaqə saxlayıb və hər iki qurum tərəfindən bu xəbərin yalan olduğu və ümumiyyətlə, İrəvanda Fələstin səfirliyinin açılması barəsində niyyətin olmadığı təsdiq edilib.

Ermənistan KİV-nin ölkəmizin xarici, müdafiə və təhlükəsizlik siyasətinə xələl gətirmək məqsədi ilə bir çox hallarda qəsddən dezinformasiya və təxribat xarakterli məlumatlar yaydıqlarını nəzərə alaraq, bəzi yerli kütləvi informasiya vasitələrinə dəqiqləşdirmə və yoxlama aparmadan bu kimi xəbərlərin yayılmasından çəkinməyi tövsiyə edirik”.

Oxumağa davam et
Reklam
Reklam

Gündəm